பெலேவின் முதல் இறுதிப் போட்டி ஜெர்சி 20.7 மில்லியன் ரிங்கிட்டிற்கு விற்கப்பட்டது

நியூயார்க்:

1958இல் பிரேசில் தனது நாடு வென்ற முதல் உலகக் கிண்ண இறுதிப் போட்டியில் அணிந்திருந்த கால்பந்து ஜாம்பவான் கெலேவின் ஜெர்சி, அமெரிக்காவில் நடந்த ஏலத்தில் 20.7 மில்லியன் ரிங்கிட்டிற்கு விற்கப்பட்டது.

'தெ கிங்' என்று செல்லப்பெயர் பெற்ற பெலேவுக்கு அப்போது 17 வயதுதான்.

ஸ்டாக்ஹோமில் நடந்த இறுதிப் போட்டியில், போட்டியை நடத்திய சுவீடனை 5-2 என்ற கோல் கணக்கில் பிரேசில் தோற்கடிக்க அவர் இரண்டு கோல்களை அடித்தார்.

நியூயார்க்கில் உள்ள சோதேபிஸ் ஏல நிறுவனத்தில், பெயர் வெளியிட விரும்பாத ஒரு வாங்குபவர் மற்ற நான்கு ஏலதாரர்களை விட அதிக விலை கொடுத்து வாங்கப்பட்டது.

இதைத் தொடர்ந்து, இந்த நீல நிற ஜெர்சி, ஏலத்தில் விற்கப்பட்ட கால்பந்து ஜெர்சிகளிலேயே இரண்டாவது அதிக விலை கொண்ட ஜெர்சியாக ஆனது.

1986 உலகக் கிண்ண காலிறுதிப் போட்டியில் இங்கிலாந்துக்கு எதிராக அர்ஜெண்டினா ஜாம்பவான் டியாகோ மரடோனா அணிந்திருந்த ஜெர்சி, 39.3 மில்லியன்  ரிங்கிட்டிற்கு விற்கப்பட்டு, தற்போதைய மிக உயர்ந்த சாதனையைத் தக்கவைத்துள்ளது.

- பார்த்திபன் நாகராஜன்