VANAKKAM MAXX ஏற்பாட்டில் வணக்கம் வாய்ஸ் இசை போட்டி அறிமுகம்

பெட்டாலிங் ஜெயா:

மலேசியாவின் இலக்கவியல் தமிழ் ஊடகமான வணக்கம் மலேசியா, அதன் VANAKKAM MAXX OTT தளத்தின் ஏற்பாட்டில் வணக்கம் வாய்ஸ் 2026 என்று தேசிய அளவிலான தமிழ்ப் பாடல் திறன் தேடல் போட்டி இன்று அதிகாரப்பூர்வமாக அறிமுகப்படுத்தப்பட்டது. 

மலேசியா முழுவதும் திறமையான பாடகர்களைக் கண்டறிந்து அவர்களை ஊக்குவித்து இசைத்துறையில் முன்னேற்றும் நோக்கத்துடன் இந்த போட்டி நடத்தப்படுகிறது 

VANAKKAM VOICE 2026 ஒரு சாதாரண போட்டி அல்ல, இசை மீது ஆர்வமுள்ள மலேசியர்களுக்குத் தங்கள் திறமையை வெளிப்படுத்தவும் தேசிய அளவில் தங்களை அறிமுகப்படுத்தி கொள்ளவும் உருவாக்கப்பட்ட திறன் மேம்பாட்டு தளமாகும் என்று VANAKKAM MALAYSIA & VANAKKAM MAXX தளத்தின் நிர்வாக இயக்குநர் திரு. தியாகராஜன் முத்துசாமி கூறினார்.

இந்த இசை நிகழ்ச்சிக்கு BOH MALAYSIA நிறுவனம் ஆதரவளிக்கிறது. 

VANAKKAM VOICE இசை நிகழ்ச்சியின் போட்டிக்கான பதிவு 18 ஜூலை 2026 முதல் 14 ஆகஸ்ட் 2026 வரை நடைபெறும். 

18 வயதும் அதற்கும் மேற்பட்ட அனைத்து மலேசியர்களும் இதில் பங்கேற்காலம். தமிழ்மொழியில் பாடும் ஆர்வம் கொண்டவர்கள் 90 வினாடிகள் கொண்ட கிடைமட்ட வடிவிலான பாடல்களை இயங்கலை இணைப்பின் மூலம் சமர்ப்பித்து போட்டியில் கலந்து கொள்ளலாம்.

மலேசியா முழுவதும் உள்ள தமிழ் இசை ஆர்வலர்கள் அனைவரும் இந்த அரிய வாய்ப்பைப் பயன்படுத்தி தேசிய மேடையில் தங்களது திறமையை வெளிப்படுத்துமாறு கேட்டுக்கொள்ளப்படுகின்றனர். 

முன்னதாக, பெட்டாலிங் ஜெயாவில் உள்ள INDIA GATE உணவகத்தில் VANAKKAM VOICE இசை நிகழ்ச்சியின் அறிமுக நிகழ்ச்சி நடைபெற்றது. இந்த நிகழ்ச்சியில் ஊடகவியலாளர்கள், இசைக் கலைஞர்கள் ஆகியோர் கலந்து சிறப்பித்தனர்.

- மவித்ரன்