உலகக் கிண்ணம்: கானாவை வீழ்த்திய கொலம்பியா 

கான்சஸ் சிட்டி:

கொலம்பியாவும் கானாவும் மோதிய ஆட்டத்தில் 1-0 எனும் கோல் கணக்கில் கொலம்பியா வெற்றிபெற்றுள்ளது.

கான்சஸ் சிட்டி (Kansas City) அரங்கில் ஆட்டம் நடைபெற்றது.

ஆட்டத்தில் 14ஆவது நிமிடத்திலேயே கொலம்பியாவின் ஜோன் அரியாஸ் (Jhon Arias) முதல் கோலை அடித்தார்.

அதன் பிறகு ஆட்டம் பரபரப்பாகவே நடந்தது. ஆனால் இரு அணிகளாலும் கோல் போட முடியாமல் தடுமாறின.

ஆட்டத்தில் மஞ்சள் அட்டைக்குப் பஞ்சமில்லை.

கொலம்பியாவின் இரண்டு ஆட்டக்காரர்களுக்கும் கானாவின் மூன்று பேருக்கும் மஞ்சள் அட்டை கொடுக்கப்பட்டது.

ஆட்டத்தின் முதல் 15 நிமிடங்களுக்குள் இரு அணிகளுமே மாற்று ஆட்டக்காரர்களைக் களத்தில் இறக்கவேண்டியிருந்தது.

இரு அணி வீரர்களும் காயமடைந்ததால் அவர்களுக்குப் பதிலாக மற்றவர்கள் விளையாடத் தொடங்கினர்.

15 நிமிடங்களுக்குள் இத்தகைய மாற்றம் செய்வது உலகக்கிண்ணப் போட்டி வரலாற்றில் முதல் முறை.

கொலம்பியா அடுத்த சுற்றுக்கு முன்னேறுகிறது. அடுத்த சுற்றுக்கு முன்னேறும் 4ஆவது லத்தீன் அமெரிக்க நாடு அது.

அடுத்த ஆட்டத்தில் அது சுவிட்ஸர்லந்துடன் மோதவிருக்கிறது.

ஆதாரம்: Reuters