ஜொகூர் மாநிலத் தேர்தல் வேட்புமனுத் தாக்கல் தொடங்கியது: 56 வேட்புமனு மையங்கள் காலை 9 மணிக்குத் திறக்கப்பட்டன

ஜொகூர்பாரு:

16ஆவது ஜொகூர் மாநிலத் தேர்தலுக்கான அனைத்து 56 வேட்புமனு மையங்களும் இன்று காலை 9 மணிக்கு ஒரே நேரத்தில் திறக்கப்பட்டன.

போட்டியிடத் தகுதியான வேட்பாளர்களின் பட்டியல் அதிகாரப்பூர்வமாக அறிவிக்கப்படுவதற்கு முன்பு,

போட்டியிட விரும்பும் வேட்பாளர்கள் காலை 10 மணி முதல் ஒரு மணி நேரத்திற்குள் வேட்புமனு மையத்தில் உள்ள தேர்தல் அதிகாரியிடம் தங்கள் படிவங்களைச் சமர்ப்பிக்க வேண்டும்.

சரிபார்ப்பு செயல்முறை முடிந்தவுடன், தேர்தல் ஆணையத்தால் நிர்ணயிக்கப்பட்ட 14 நாள் பிரச்சாரக் காலம், ஜூலை 10 ஆம் தேதி இரவு 11.59 மணி வரை தொடங்கும்.

வேட்புமனு தாக்கல் செயல்முறைக்கு, வேட்பாளர், முன்மொழிபவர், ஆதரவாளர் அல்லது அவர்களில் இருவர் அல்லது அவர்களில் ஒருவர், வேட்புமனு மையத்தில் உள்ள தேர்தல் அதிகாரியிடம் வேட்புமனுப் பத்திரங்களைச் சமர்ப்பிக்க வேண்டும்.
பல வேட்புமனு மையங்களில் அரசியல் கட்சிகளின் ஆதரவாளர்கள் தாங்கள் தேர்ந்தெடுத்த வேட்பாளர்களை ஆதரிப்பதற்காக காலை 6.30 மணிக்கெல்லாம் கூடத் தொடங்கினர் என்பது குறிப்பிடத்தக்கது.

- பார்த்திபன் நாகராஜன்