அமெரிக்க விமானப்படை விமானம் விபத்தில் சிக்கியது: 8 பேர் மரணம்

லாஸ் ஏஞ்சல்ஸ்:

அமெரிக்க விமானப்படை விமானம் விபத்தில் சிக்கிய சம்பவத்தில் மொத்தம் 8 பேர் மரணமடைந்துள்ளனர்.

லாஸ் ஏஞ்சல்ஸுக்கு வடக்கில் அமைந்துள்ள எட்வர்ட்ஸ் விமானப்படை தளத்தில் இவ்விமானம் விபத்துக்குள்ளானது.

காலை 11:20 மணியளவில் எட்வர்ட்ஸ் விமான தளத்தில் புறப்பட்ட சிறிது நேரத்திலேயே அமெரிக்க விமானப் படையின் பி-52 ஸ்ட்ராடோஃபோர்ட்ரஸ் ரக விமானம் விபத்துக்குள்ளானது என்று அந்தத் தளம் முகநூலில் தெரிவித்துள்ளது.

அவசரக்கால மீட்புக் குழுவினர் உடனடியாக சம்பவ இடத்திற்கு விரைந்தனர்.

மீட்புப் பணிகள் தொடர்ந்து நடைபெற்று வருகின்றன.

இந்த சம்பவத்தில் 8 பேர் மரணமடைந்துள்ளதாக அதிகாரிகள் உறுதிப்படுத்தின.

விபத்து நடந்த இடத்தில் இருந்து எடுக்கப்பட்ட வான்வழி படங்களில், அப்பகுதி முழுவதும் கருகிப்போயிருப்பதும், விமானத்தின் சிதைந்த பாகங்கள் மிகக் குறைவாகவே தெரிவதும் பதிவாகியுள்ளது.

- பார்த்திபன் நாகராஜன்