தேசியக் கூட்டணியில் கட்சிகளின் எண்ணிக்கை அதிகரிப்பதைத் தடுப்பதற்காக, பெர்சத்து பாஸ் கட்சியை பலவீனப்படுத்தவும் ஏமாற்றவும் முயற்சிக்கிறது: ஹாடி அவாங்

கோலாலம்பூர்:

தேசியக் கூட்டணியில் கட்சிகளின் எண்ணிக்கை அதிகரிப்பதைத் தடுப்பதற்காக, பெர்சத்து பாஸ் கட்சியை பலவீனப்படுத்தவும் ஏமாற்றவும் முயற்சிக்கிறது.

பாஸ் கட்சியின் தேசியத் தலைவர் டான்ஸ்ரீ ஹாடி அவாங் இதனை கூறினார்.

பெர்சத்துவுடனான உறவை, இதுவரை ஏற்படுத்தப்பட்டதிலேயே மிகவும் தளர்வான அரசியல் ஒத்துழைப்பு என்று பாஸ் வர்ணித்தது.

பாஸ் கட்சியுடனான ஒத்துழைப்பின் போது பெர்சத்து செய்த பல்வேறு முறைகேடுகளை அவர் வெளிப்படுத்தினார்.

தேர்ந்தெடுக்கப்பட்ட பிரதிநிதிகளின் ஆதரவின் மூலம் அதிகாரத்தைப் பெற முயன்றது உட்பட, இந்தச் செயல்கள் மக்களிடையே ஒற்றுமையை ஏற்படுத்துவதற்கான உண்மையான நோக்கத்திற்கு முரணாக இருந்தன.

நாட்டில் இஸ்லாம், மலாய்-பூமிபுத்ராக்களின் நிலைப்பாடு எதுவாக இருந்தாலும், முஸ்லிம் அல்லாத கட்சிகளுடன் சேர்ந்து பெரும்பான்மையான முஸ்லிம்களைக் கட்டுப்படுத்த பெர்சத்து விரும்புகிறது.

திடீரென்று பெர்சத்து அரசியல் மாற்றத்தை ஆராய்வதுடன் பாஸ் கட்சியின் பாத்திரத்தை பலவீனப்படுத்த முயற்சியும் இதில் அடங்கும்.

மேலும் அதிகமான கட்சிகள், குறிப்பாக பெர்ஜாசா, பெஜுவாங், புத்ரா,  அதே போல் முஸ்லிம் அல்லாத கட்சியான மஇகா கட்சிகளை தேசியக் கூட்டணியில் இணைவதும் தடுக்கப்பட்டுள்ளது என்று அவர் கூறினார்.

- பார்த்திபன் நாகராஜன்