அனைத்துலக நட்புமுறை ஆட்டம்: பிரேசில், அர்ஜெண்டினா வெற்றி

நியூயார்க்:

அனைத்துலக நட்புமுறை ஆட்டத்தில் பிரேசில், அர்ஜெண்டினா, இங்கிலாந்து ஆகிய அணிகள் வெற்றி பெற்றன.

ஹான்திதோன் அரங்கில் நடைபெற்ற ஆட்டத்தில் பிரேசில் அணியினர் எகிப்து அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய பிரேசில் அணியினர் 2-1 என்ற கோல் கணக்கில் எகிப்து அணியை வீழ்த்தி வெற்றி பெற்றனர்.

பிரேசில் அணியின் வெற்றி கோல்களை புருனோ காய்மராஸ், என்ரிக் ஆகியோர் அடித்தனர்.

மற்றொரு ஆட்டத்தில் அர்ஜெண்டினா அணியினர் 2-0 என்ற கோல் கணக்கில் ஹாண்டுரஸ் அணியை வீழ்த்தி வெற்றி பெற்றனர்.

அர்ஜெண்டினா அணியின் வெற்றி கோல்களை மார்டின்ஸ், கியுலியானோ சிமியோன் ஆகியோர் அடித்தனர்.

இங்கிலாந்து அணியினர் 1-0 என்ற கோல் கணக்கில் நியூஸிலாந்து அணியை வீழ்த்தி வெற்றி பெற்றனர்.

- பார்த்திபன் நாகராஜன்