ரோன் 97, மானியம் இல்லாத ரோன் 95, டீசல் ஆகியவற்றின் விலைகள் குறைந்துள்ளன

புத்ராஜெயா:

தீபகற்ப மலேசியாவில் ரோன் 97 பெட்ரோல், மானியமில்லாத ரோன் 95, டீசல் ஆகியவற்றின் சில்லறை விலைகள் குறைந்துள்ளன.

இது ஜூன் 4 முதல் 10 வரையில் அமலில் இருக்கும் என்று நிதியமைச்சு ஓர் அறிக்கையில் கூறியது.

ரோன் 97 பெட்ரோலின் சில்லறை விலை ஒரு லிட்டருக்கு 30 சென் குறைந்து, 4.65 ரிங்கிட்டில் இருந்து 4.35  ரிங்கிட்டாக குறைந்துள்ளது.

மானியமில்லாத ரோன் 95 பெட்ரோலின் விலை ஒரு லிட்டருக்கு 20 சென் குறைந்து, 3.92 ரிங்கிட்டில் இருந்து 3.72 ரிங்கிட்டாக சரிந்துள்ளதாக அமைச்சு அறிவித்துள்ளது.

தீபகற்ப மலேசியாவில் டீசல் விலை முன்பு ஒரு லிட்டருக்கு 4.87 ரிங்கிட்டாக இருந்தது.

தற்போது அது 20 சென் குறைந்து 4.67 ரிங்கிட்டாக நிர்ணயிக்கப்பட்டுள்ளது.

கடந்த வாரம் சராசரி சர்வதேச சந்தை விலையில் ஏற்பட்ட சரிவைத் தொடர்ந்து குறைக்கப்பட்ட இந்த வாரத்திற்கான தானியங்கி விலை நிர்ணய முறை  சூத்திரத்திற்கு ஏற்ப இந்த புதிய சில்லறை விலை சரிசெய்தல் செய்யப்பட்டுள்ளது என அமைச்சு கூறியது.

- பார்த்திபன் நாகராஜன்