ஜப்பானில் ஜாங்மி புயல்: 200க்கும் அதிகமான விமானச் சேவைகள் ரத்து

ஒக்கினாவா:

ஜப்பானின் ஒக்கினாவா வட்டாரத்தில் ஜாங்மி (Jangmi) புயல் கனத்த மழையையும் கடுங்காற்றையும் கொண்டுசென்றுள்ளது.

மணிக்கு 160 கிலோமீட்டர் வேகத்தில் பலத்த காற்று வீசும் என்று முன்னுரைக்கப்படுகிறது.

சில இடங்களில் பேரலைகள் எழலாம். நிலச்சரிவுகள் ஏற்படலாம் என்று அறிவிக்கப்பட்டுள்ளது.

ககோஷிமா பகுதியில் 30,000க்கும் அதிகமான வீடுகளில் மின்சாரம் தடைபட்டுள்ளது. ஒகினாவாவிலும் 17,000 வீடுகளில் மின்சாரம் இல்லை. அங்கு புயலால் பல பேர் காயமுற்றனர்.

பலத்த காற்றால் பொருள்கள் கார்கள் மீது மோதின. காற்றின் வேகத்தைத் தாங்க முடியாமல் மக்கள் விழுந்தனர்.

வானிலை மாற்றத்தால் விமானப் பயணங்கள் பாதிக்கப்பட்டுள்ளன. 200க்கும் அதிகமான விமானச் சேவைகள் ரத்துசெய்யப்பட்டுள்ளன.

- ஆர்யன்