ஜொகூர் மாநிலத் தேர்தல்; இடங்களின் எண்ணிக்கையை விட வெற்றிக்கே மஇகா முன்னுரிமை அளிக்கிறது: டான்ஸ்ரீ விக்னேஸ்வரன்

ஈப்போ:

ஜொகூர் மாநிலத் தேர்தலில் இடங்களின் எண்ணிக்கையை விட வெற்றிக்கே மஇகா முன்னுரிமை அளிக்கிறது.

மஇகா தேசியத் தலைவர் டான்ஸ்ரீ எஸ்ஏ விக்னேஸ்வரன் இதனை கூறினார்.

ஜொகூர் மாநிலத் தேர்தலுக்கு  முன்னதாகப் போட்டியிடப்படும் இடங்களின் எண்ணிக்கையை அதிகரிப்பதை விட தேசியக் கூட்டணியில் ஒதுக்கப்பட்ட இடங்களை வெல்வதில் மஇகா கவனம் செலுத்துகிறது.

ஜொகூரை ஆளும் ஆணையை தேசிய முன்னணியை தக்கவைத்துக் கொள்வதை உறுதி செய்வதே தற்போதைய முன்னுரிமை.

அனைத்துக் கட்சிகளுக்கும் அதிக இடங்களில் போட்டியிட விருப்பம் உள்ளது.

ஆனால் போட்டியிடும் இடங்களை வெல்ல முடியும் என்பதை உறுதி செய்வதே மிக முக்கியமானது.

இது கூடுதல் இடங்களைப் பெறுவது பற்றியது அல்ல. இதை அனைவரும் புரிந்து கொள்ள வேண்டும். ஒதுக்கப்பட்ட இடங்களில் வெற்றி பெறுவதே முக்கியம்.

இது ஜொகூரில் தேசிய முன்னணியை ஆட்சிக்குக் கொண்டு வருவதற்கான முயற்சிகள் பற்றியது.

எனவே, நாம் சிறந்த வேட்பாளர்களையும் இடங்களையும் தேர்ந்தெடுக்க வேண்டும்.

இது இனி அதிக இடங்களை விரும்புவது பற்றியது அல்ல.

ஏனென்றால் நாம் வெற்றி பெறவில்லை என்றால், அது வீணாகிவிடும் என்று அவர் செய்தியாளர்களிடம் கூறினார்.

- பார்த்திபன் நாகராஜன்