மென்செஸ்டர் யுனைடெட் அணியின் நிரந்தர நிர்வாகியாக கேரிக் நியமிக்கப்பட்டார்

லண்டன்:

இங்கிலாந்து பிரிமியர் லீக்கில் கிளப்பை மூன்றாவது இடத்திற்கு வழிநடத்தியதைத் தொடர்ந்து, மைக்கல் கேரிக் தங்களின் நிரந்தர நிர்வாகியாக நியமிக்கப்பட்டுள்ளார் என்பதை மென்செஸ்டர் யுனைடெட் உறுதி செய்துள்ளது.

புதிய ஒப்பந்தத்தில் கையெழுத்திட்ட பிறகு, மைக்கல் கேரிக் தலைமைப் பயிற்சியாளராகத் தொடர்வார் என்பதை அறிவிப்பதில் நாங்கள் மகிழ்ச்சியடைகிறோம்.

முன்னாள் அணி வீரரான 44 வயதான கேரிக், ஜனவரியில் ரூபன் அமோரிம் பணி நீக்கம் செய்யப்பட்ட பிறகு இடைக்கால அடிப்படையில் பொறுப்பேற்று, அணியை சாம்பியன்ஸ் லீக் தகுதி இடத்திற்கு வழிநடத்தினார்.

அதன் அடிப்படையில் அவர் நிரந்தர நிர்வாகியாக நியமிக்கப்படுகிறார் என்று மென்செஸ்டர் யுனைடெட் ஒரு அறிக்கையில் தெரிவித்துள்ளது.

முன்னதாம 20 ஆண்டுகளுக்கு முன்பு நான் இங்கு வந்ததிலிருந்து, மென்செஸ்டர் யுனைடெட்டின் மாயாஜாலத்தை அனுபவித்திருக்கிறேன்.
இந்தச் சிறப்புமிக்க கிளப்பை வழிநடத்தும் பொறுப்பை ஏற்பது எனக்கு மிகுந்த பெருமையைத் தருகிறது என்று கேரிக் கூறினார்.

- பார்த்திபன் நாகராஜன்