உலகக் கிண்ண அணியில் இடம் பிடித்த நெய்மார்: உற்சாகத்தில் ரசிகர்கள்

பிரேசிலா:

பிரேசில் கால்பந்து நட்சத்திரமான நெய்மார் உலகக் கிண்ண அணியில் இடம் பிடித்துள்ளார். 
கால்பந்து உலகில் ரொனால்டோ, மெஸ்ஸிக்கு அடுத்த இடத்தில் உலகளவில் பிரபலமான வீரராக இருப்பவர் நெய்மார்.  

பிரேசிலைச் சேர்ந்த நெய்மார் உலகக்கிண்ண தகுதிச் சுற்றுப் போட்டிகளில் விளையாட காயங்கள் தடையாக இருந்தன.

இதன் காரணமாக உலகக் கிண்ண தொடரில் நெய்மார் விளையாடுவாரா என்ற கேள்வி எழுந்தது.

இந்த நிலையில், தொடர் காயங்கள் காரணமாக ஏற்பட்ட நீண்ட இடைவெளிக்குப் பிறகு நெய்மார் தற்போது அணிக்கு திரும்புகிறார்.

அதாவது, அடுத்த மாதம் நடைபெறவுள்ள உலகக் கிண்ணத்திற்கான பிரேசில் அணியில் நெய்மார் இடம் பிடித்துள்ளார் என்று அணியின் நிர்வாகி கார்லோ அன்செலோட்டி தெரிவித்தார். 

- பார்த்திபன் நாகராஜன்