சாம்சங் நிறுவனம் $15 மில்லியன் இழப்பீடு தரவேண்டும்: பாப் இசை நட்சத்திரம் டுவா லிப்பா வழக்கு

சியோல்:

பிரிட்டிஷ் பாப் இசை நட்சத்திரம் டுவா லிப்பா (Dua Lipa) சாம்சங் (Samsung) நிறுவனம் 15 மில்லியன் டாலர் இழப்பீடு தரவேண்டும் என்று கோரி வழக்குத் தொடுத்துள்ளார்.

சாம்சங் நிறுவனம் அதன் தொலைக்காட்சிகள் சிலவற்றின் அட்டைப் பெட்டிகளில டுவா லிப்பாவின் அனுமதி இல்லாமல் அவரது நிழற்படத்தைப் பயன்படுத்தியதாகக் கூறப்படுகிறது.

கடந்த ஆண்டு ஜூன் மாதம் அது பற்றி அறிந்தபின் தமது படத்தைப் பயன்படுத்தக்கூடாது என்று டுவா லிப்பா சாம்சங் நிறுவனத்தைக் கேட்டுக்கொண்டார்.

ஆனால் நிறுவனம் அதற்குச் செவி சாய்க்கவில்லை என்று அவரது வழக்கறிஞர்கள் கூறினர்.

டுவா லிப்பாவின் படம் அட்டைப் பெட்டியில் உள்ளது என்பதற்காகவே சிலர் அந்தத் தொலைக்காட்சிகளை வாங்கியதாய்க் குறிப்பிட்டதையும் அவர்கள் சுட்டிக் காட்டினர்.

சாம்சங் நிறுவனம் காப்புரிமைச் சட்டத்தை மட்டுமின்றி விளம்பர உரிமைகளையும் மீறியுள்ளதாகவும் டுவா லிப்பா குற்றஞ்சாட்டியுள்ளார்.

- ஆர்யன்