விஜய், தவெகவின் மகத்தான வெற்றி மக்கள் சக்தியின் எழுச்சியை குறிக்கிறது: டத்தோ சிவக்குமார்

கோலாலம்பூர்:

பிரபல இந்திய நட்சத்திரமான தளபதி விஜய் தலைமையிலான தமிழக வெற்றி கழகத்தின் எழுச்சி, பலரையும் வியப்பில் ஆழ்த்தியுள்ளது.

இதுவொரு ஒரு புதிய அரசியல் நிகழ்வாக தற்போது உருவெடுத்துள்ளது என்று டிஎஸ்கே சமூக நல அமைப்பின் தலைவர் டத்தோ சிவக்குமார் கூறினார்.

குறுகிய காலத்தில் தவெக மக்களின் குறிப்பாக இளைஞர்களின் கவனத்தை ஈர்த்துள்ளது. 

இது உலகின் அரசியல் களம் வேகமாக மாறிவருகிறது என்பதை நிரூபிக்கிறது.

இந்த எழுச்சிக்கு விஜய்யின் பெரிய பெயர்தான் ஆரம்பத் தூண்டுதலாக இருந்தது என்பது உண்மைதான்.

ஆனால், அதைவிட முக்கியமானது, மக்களுக்கு நெருக்கமான அரசியல் மாற்றம் என்ற கருத்தின் மீது மக்களின் நம்பிக்கையை அவர் எவ்வாறு திரட்டியுள்ளார் என்பதுதான்.

இன்றைய மக்கள் தங்கள் சொந்த அரசியல் எதிர்காலத்தைத் தாங்களே தீர்மானிக்க அதிகத் துணிச்சலுடன் இருக்கிறார்கள்.

மேலும் அவர்கள் இனி பாரம்பரியக் கட்சிகளையோ அல்லது பழைய அரசியல் அமைப்பையோ முழுமையாகச் சார்ந்திருக்கவில்லை என்பதை இது காட்டுகிறது.

தவெகவின் எழுச்சி என்பது ஒரு பிரபலத்தின் புகழைப் பற்றியது மட்டுமல்ல.

மாறாக புதிய தலைமை, புதிய அணுகுமுறைகள் மற்றும் அதிக நேர்மையான, வெளிப்படையான அரசியலை விரும்பும் மக்களின் எழுச்சியின் சின்னமாகும்.

தமிழ்நாட்டில் கிடைத்த மக்கள் ஆணை, உண்மையில் உலகின் அனைத்து மூலைகளிலும் உணரப்படுகிறது.

குறிப்பாக இளைய தலைமுறையினர், தங்கள் வாழ்க்கைக்குப் பயனளிக்காத பழைய சொல்லாடல்களையும் அரசியல் விளையாட்டுகளையும் நிராகரிக்கத் தொடங்கியுள்ளதால், நவீன அரசியல் இப்போது மாறி வருகிறது என்று டத்தோ சிவக்குமார் கூறினார்.

- பார்த்திபன் நாகராஜன்