டென்னோஜி மிருகக்காட்சி சாலையில் டாரா, அமோய், கெலாட் ஆகிய யானைகளின் எடை அதிகரித்துள்ளது

ஈப்போ:

டென்னோஜி மிருகக் காட்சிசாலை நிர்வாகத்திடமிருந்து கிடைத்த தற்போதைய தகவல்களின்படி, டாரா, அமோய், கெலாட் என அறியப்படும் மூன்று யானைகளும் சீரான எடை அதிகரிப்பைக் காட்டியுள்ளன.

இதனை தைப்பிங் மாநகர் மன்றம் ஓர் அறிக்கையில் இதனை தெரிவித்தது.

இந்த வளர்ச்சியானது, நல்ல, கட்டுப்படுத்தப்பட்ட ஆரோக்கியம், ஊட்டச்சத்து, தினசரிப் பராமரிப்பின் அளவைப் பிரதிபலிக்கிறது.

இதன் மூலம் சம்பந்தப்பட்ட யானைகளின் நலன் உயர் மட்டத்தில் இருப்பதையும், வளர்ப்பு மேலாண்மையில் உள்ள சிறந்த நடைமுறைகளுக்கு இணங்குவதையும் காட்டுகிறது.

கெலாத்தின் உடல் எடை 440 கிலோகிராம் அதிகரித்து 2,360இல் இருந்து 2,800 கிலோவாக அதிகரித்துள்ளது.

டாராவின் எடை 215 கிலோ அதிகரித்து (1,985 கிலோவிலிருந்து 2,200 கிலோவாகவும்), அமோயின் எடை 200 கிலோ அதிகரித்து (1,280 கிலோவிலிருந்து 1,480 கிலோவாகவும்) உள்ளது என்று அந்த அறிக்கை தெரிவித்தது.

- பார்த்திபன் நாகராஜன்