ரோன் 97இன் விலையில் மாற்றமில்லை: மானியமில்லா ரோன் 95 பெட்ரோல், டீசலின் விலை ஐந்து சென்கள் உயர்வு

புத்ராஜெயா:

ரோன் 97 பெட்ரோலின் சில்லறை விலை ஒரு லிட்டருக்கு 4.90 ரிங்கிட் என்ற விலையில் நீடிக்கிறது.

அதே வேளையில், தீபகற்ப மலேசியாவில் மானியமில்லாத ரோன் 95 பெட்ரோல், டீசல் விலைகள் தலா 5 சென் உயர்கிறது.

இது  மே 7 முதல் 13 வரையில் அமலில் இருக்கும்.

அதே காலகட்டத்தில் அரசாங்கம் மக்களுக்கும் குறிப்பிட்ட சில துறைகளுக்கும் இலக்கு வைக்கப்பட்ட மானிய விலைகளைத் தொடர்ந்து பராமரித்தது.

இதில் ரோன் 95 (பூடி95) ஒரு லிட்டருக்கு 1.99 ரிங்கிட், சபா, சரவா, லாபுவானில் டீசல் ஒரு லிட்டருக்கு 2.15 ரிங்கிட் என நிலை நிறுத்தப்படும்.

நிதியமைச்சு முந்தைய வாரத்தின் சராசரி விலையைக் கணக்கில் எடுத்துக்கொள்ளும் தானியங்கி விலை நிர்ணய முறை  அடிப்படையில் இந்த விலையை அறிவித்தது.

மேலும் மேற்கு ஆசியாவில் நிலவும் மோதலுக்குத் தீர்வு காணப்படாததைத் தொடர்ந்து,

பெட்ரோலிய விலைகள் ஒரு பேரலுக்கு 100 அமெரிக்க டாலருக்கும் அதிகமாக உயர்ந்து, தொடர்ந்து உயர்வாகவே உள்ளன என்பது குறிப்பிடத்தக்கது.

- பார்த்திபன் நாகராஜன்