நாட்டில் O, A ரத்த வகைகளின் விநியோகம் குறைந்து வருகிறது

கோலாலம்பூர்: 

'O' வகை இரத்தம், கிட்டத்தட்ட அனைத்து நோயாளிகளுக்கும் வழங்கக்கூடிய ஒரு பொதுவான இரத்தக் கொடையாளர் என்ற அதன் தன்மையால், நாட்டில் தொடர்ந்து அதிகபட்ச தேவையைப் பதிவு செய்து வருகிறது.

தேசிய இரத்த மையத்தின் (பிடிஎன்) இயக்குநர் டாக்டர் நூர் நஜாஹா மஹ்மூத், O வகை இரத்தம், “பொதுக் கொடையாளர்” (universal donor) தன்மை கொண்டதால், அனைத்து ரத்த வகை நோயாளிகளுக்கும் பயன்படுத்தப்படுவதால் அதிக தேவை ஏற்படுகிறது.

“‘O’ வகை ரத்தம், A, B, AB மற்றும் O ரத்த வகை கொண்ட நோயாளிகளுக்குப் பயன்படுத்தப்படலாம். குறிப்பாக, நோயாளியின் ரத்த வகை உடனடியாகத் தெரியாத அவசர நிலைகளில் இது மிகவும் அவசியமானதாகும்,” என்றார் அவர்.

"இருப்பினும், எந்த நேரத்திலும் இரத்தத்தின் தேவை, உண்மையில் மருத்துவமனையில் இரத்தமாற்றம் சிகிச்சை தேவைப்படும் நோயாளிகளின் இரத்த வகையைப் பொறுத்தது" என்றார் அவர்.

"தற்போது O, A வகை இரத்தங்களில் கட்டுப்பாடுகள் இருந்தாலும், அனைத்து இரத்த வகைகளும் முக்கியமானவை, ஒவ்வொரு நோயாளியும் அவரவர் இரத்த வகைக்கு ஏற்ப, துல்லியமான, பாதுகாப்பான இரத்தமாற்றத்தைப் பெறுவதை உறுதி செய்வதற்காக தொடர்ந்து தேவைப்படுகின்றன" என்றார் அவர்.

மேலும் கருத்து தெரிவித்த டாக்டர் நூர் நஜாஹா, இரத்த வங்கி தகவல் மேலாண்மை அமைப்பு பதிப்பு 2 (BBIS V2) எனப்படும் ஒருங்கிணைந்த தகவல் மேலாண்மை அமைப்பைப் பயன்படுத்தி, பிடிஎன் பங்கு மேலாண்மை, இரத்த விநியோகத்தின் செயல்திறனை வலுப்படுத்துவதாகக் கூறினார்.

"இந்த அமைப்பு, ஒவ்வொரு மாநிலத்திலும் உள்ள இரத்த தான மையங்களில் பயன்படுத்தப்படுகிறது. 

"தேசிய இரத்த விநியோகம், இரத்த தானம் குறித்த சில தகவல்களும் MySejahtera பயன்பாட்டில் காட்டப்படுகின்றன" என்றார் அவர்.

முந்தைய பயன்பாட்டு முறைகளின் அடிப்படையில், இரத்தத்தின் தேவையைக் கணிப்பதற்காக, தரவு பகுப்பாய்வுகளின் பயன்பாடும் பயன்படுத்தப்படுவதாக அவர் கூறினார்.

"அந்த அணுகுமுறை, இரத்த தான பிரச்சாரங்களை மிகவும் திறம்படத் திட்டமிடுவதற்கும், ஒவ்வொரு இரத்தக் கூறுகளின் ஆயுட்காலத்திற்கு ஏற்ப, இரத்தப் பயன்பாட்டை மேம்படுத்துவதற்கும் பிடிஎன்-க்கு உதவுகிறது.

"இந்த முறை மூலம், நாடு முழுவதும் உள்ள மருத்துவமனைகளுக்கு, பொருத்தமான காலக்கெடுவிற்குள் இரத்த விநியோகம் செய்யப்பட முடியும். இது, நோயாளிகளின் தேவைகள் எப்போதும் பூர்த்தி செய்யப்படுவதை உறுதி செய்வதாகும்" என்றார் அவர்.

-சங்கீர்த்தனா