ஐக்கிய அரபு அமீரகச் சிற்றரசுகள் OPEC அமைப்பிலிருந்து விலகுகிறது

துபாய்:

ஐக்கிய அரபு அமீரகச் சிற்றரசுகள் OPEC, OPEC-Plus அமைப்புகளைவிட்டு வெளியேறுவதாக அறிவித்திருக்கிறது.

மே முதல் தேதி அந்த முடிவு நடப்புக்கு வரும். OPEC அமைப்புக்கு இது பேரிடி என்று கருதப்படுகிறது.

OPEC அமைப்பு 1960இல் தொடங்கப்பட்டது. ஈராக், ஈரான், குவைத், சவூதி அரேபியா, வெனிசுவேலா சேர்ந்து அதைத் தொடங்கின. பிறகு 13 நாடுகளாக அது விரிவடைந்தது.

எண்ணெய் உற்பத்தி செய்யும் மற்ற நாடுகள் OPEC Plus அமைப்பில் சேர்ந்தன.

எவ்வளவு எண்ணெயை வெளியிடுவது, எந்த விலைக்கு விற்பது என்பதை OPEC முடிவு செய்யும்.

ஈரான் நடத்திய தாக்குதலுக்கு வளைகுடா நாடுகள் ஒன்றும் செய்யவில்லை என்று ஐக்கிய அரபுச்சிற்றரசுகள் கோபத்தில் இருக்கின்றன.

- ஆர்யன்