தாய்லாந்தில் அமைச்சரவை மாற்றமா? பிரதமர் அனுடின் சார்ன்விரகுல் மறுப்பு 

பங்கொக்- 

தாய்லாந்து நாட்டின் அமைச்சரவையில் விரைவில் மாற்றம் நிகழவிருப்பதாக வெளிவந்திருக்கும் தகவலைத் தாய்லாந்து நாட்டின் பிரதமர் அனுடின் சார்ன்விரகுல் முற்றிலுமாக மறுத்துள்ளார். 

முன்னதாக பிட்சானுலோக்கில் நடைபெறவிருந்த நடமாடும் அமைச்சரவைக் கூட்டம் ஒத்திவைக்கப்பட்டதைத் தொடர்ந்து இந்த ஊகங்கள் எழுந்ததாக பாங்காக் போஸ்ட் செய்தி வெளியிட்டுள்ளது.

தற்போதைய நிகழ்வுகள், குறிப்பாக தாய்லாந்து-கம்போடியா எல்லைப் பகுதியில் நிலவும் பதற்றம் ஆகியவற்றின் காரணமாக இந்த ஒத்திவைப்பு செய்யப்பட்டதாக அனுடின் விளக்கினார்.

இருப்பினும், தத்தம் அமைச்சகங்களின் செயல்பாடுகளையும் சாதனைகளையும் மக்களுக்கு எடுத்துரைக்கத் தவறும் எந்தவொரு அமைச்சரின் அமைச்சரவை பதவியும் பாதிக்கப்படலாம் என்று அவர் எச்சரித்தார்.

அரசாங்கத்தின் கொள்கைகள், சாதனைகள் மற்றும் நன்மைகளை மக்கள் பரவலாகப் புரிந்துகொள்வதை உறுதிசெய்ய, தகவல் தொடர்பு அம்சம் மேம்படுத்தப்பட வேண்டிய பலவீனங்களில் ஒன்றாகும் என்பதையும் அவர் ஒப்புக்கொண்டார்.

-மவித்திரன்