கைரியை கெடாவில் களமிறக்குவதா?; 15ஆவது பொதுத் தேர்தலின் தவறை மீண்டும் செய்ய வேண்டாம்: ஆய்வாளர்

கோலாலம்பூர்:

முன்னாள் அமைச்சர் கைரி ஜமாலுடினை கெடாவில் ஒரு அம்னோ பிரமுகராக முன்னிறுத்தும் திட்டம், அவருக்கே பாதகமாக அமையக்கூடும் என அஞ்சப்படுகிறது.

மேலும், 15ஆவது பொதுத் தேர்தலின் தவறுகள் மீண்டும் செய்யப்படக்கூடாது என்று குளோபல் ஆசியா நிறுவனத்தின் ஆய்வாளர் அஹ்மத் ஜஹருடின் சானி கூறினார்.

கடந்த தேர்தலில் கைரி ஜமாலுடின் சுங்கை பூலோவில் போட்டியிட்டார்.

அங்கு கைரியின் அனுபவமே, ஒரு முக்கியப் பிரமுகரை அவரது பிம்பத்திற்கும் அரசியல் அணுகுமுறைக்கும் ஒவ்வாத ஒரு பகுதியில் நிறுத்துவது ஒரு பலவீனமான உத்தி என்பதற்கு ஒரு பாடமாக அமைய வேண்டும்.

கெடா என்பது சீர்திருத்த உரையாடல்களையோ அல்லது அறிவுசார் சொல்லாட்சிகளையோ கொண்டாடும் ஒரு நகர்ப்புற அரசியல் களம் அல்ல.

மாறாக, அது எளிதில் அணுகக்கூடிய, காபி கடைகளுக்கு உகந்த தலைமைக்கு நெருக்கமான அரசியலாகும்.

ஜனரஞ்சக பெருநகரப் பாணியையும் கொண்ட கைரி, நகர்ப்புற அல்லது ஓரளவு நகர்ப்புறப் பகுதிகளுக்கே அதிகம் பொருத்தமானவர்.

அவரது முற்போக்குச் சிந்தனைகள் பொதுவாக கிராமப்புற மலாய் பெரும்பான்மையினரின் அரசியல் களத்திற்கு அல்ல.

அதனால் அவரை கெடாவிற்கு அழைத்து வருவது, அரசியல் கலாச்சாரங்களின் பொருந்தாமையை மட்டுமே எடுத்துக்காட்டும்.

இது வெறும் ஆளுமை சம்பந்தப்பட்ட விஷயம் மட்டுமல்ல, உலகளாவிய பார்வையை விட பழக்கமான விஷயங்களுக்கு அதிக மதிப்பு கொடுக்கும் வாக்காளர்களின் மனநிலையைப் பொறுத்த விஷயம் என்று அவர் கூறினார்.

- பார்த்திபன் நாகராஜன்