கிள்ளான் லாமா சாலையில் எதிர்த்திசையில் வாகனம் ஓட்டிய நபர் கைது

கோலாலம்பூர்: 

கிள்ளான் லாமா சாலையில் எதிர்த்திசையில் வாகனம் ஓட்டியதாக வைரலான சம்பவத்தில் ஈடுபட்ட நபர், மிட் வேலிக்குச் செல்வதற்காக தவறான பாதையில் சென்றதாக நம்பப்படுகிறது. ஞாயிற்றுக்கிழமை அவர் கைது செய்யப்பட்டதில் இந்தச் செயல் அவருக்கு பின்விளைவை ஏற்படுத்தியுள்ளது.

கோலாலம்பூர் போக்குவரத்து விசாரணை, அமலாக்கத் துறையின் (JSPT) தலைவர், உதவி ஆணையாளர் முஹம்மத் ஜாம்சூரி முஹம்மத் இசா, கடந்த ஏப்ரல் 5 ஆம் தேதி இரவு 8.35 மணிக்கு சந்தேக நபர் கோலாலம்பூர் ஜே.எஸ்.பி.டி. அலுவலகத்திற்கு நேரில் வந்தார். அதன்பிறகே அவர் கைது செய்யப்பட்டார்.

அதற்கு முன்னர், போலிஸார் சந்தேக நபரின் குடும்பத்தினரின் வீடு உட்பட கிடைக்கப்பெற்ற பல முகவரிகளுக்குச் சென்றிருந்தனர், ஆனால் அவரைக் கண்டுபிடிக்க முடியவில்லை என்று அவர் கூறினார்.

"ஆரம்பக்கட்ட விசாரணையில், மிட் வேலிக்குச் செல்வதற்காக தவறான பாதையில் சென்றதே, சந்தேக நபர் எதிர்த்திசையில் வாகனம் ஓட்டுவதற்கான முக்கிய காரணம் எனக் கண்டறியப்பட்டுள்ளது.

"மூச்சுப் பரிசோதனை (EBA), சிறுநீர் பரிசோதனைகளுக்கும் சந்தேக நபர் எதிர்மறையானவர் எனக் காட்டின" என்று அவர் திங்கட்கிழமை வெளியிட்ட அறிக்கையில் தெரிவித்தார்.

1987 ஆம் ஆண்டின் சாலைப் போக்குவரத்துச் சட்டத்தின் பிரிவு 42(1) கீழ் இந்த வழக்கு விசாரிக்கப்படுவதாக அவர் கூறினார்.

சந்தேக நபர், திங்கட்கிழமை காலை 9 மணிக்கு ஜாலான் டூத்தா நீதிமன்றத்தில் குற்றம் சாட்டப்படுவார் என்றும் அவர் மேலும் தெரிவித்தார்.

இதற்கு முன்னர், கிள்ளான் லாமா சாலையில் ஒரு கார் எதிர்த்திசையில் வாகனம் ஓட்டுவதைக் காட்டும் காணொலி ஒன்று வைரலானது. இது சாலைப் பயனர்களிடையே கவலையை ஏற்படுத்தியது.

-சங்கீர்த்தனா