லாவோஸில் 40 டிகிரி செல்சியஸைத் தொடும் கடும் வெப்பம்: பொதுமக்களுக்கு அவசர எச்சரிக்கை

வியன்டியான்: 

லாவோஸ் நாடு முழுவதும் கடும் வெப்ப அலை வீசக்கூடும் என அந்நாட்டு அதிகாரிகள் எச்சரிக்கை விடுத்துள்ளனர். நாட்டின் பல பகுதிகளில் வெப்பநிலையானது 40 டிகிரி செல்சியஸ் வரை உயரக்கூடும் என்பதால், பொதுமக்கள் மிகுந்த முன்னெச்சரிக்கையுடன் இருக்குமாறு அறிவுறுத்தப்பட்டுள்ளனர்.

தற்போது நிலவும் மிதமான, வலுவான குறைந்த அழுத்த அமைப்புகளுடன், மேற்கு திசையிலிருந்து வீசும் காற்றும் இணைந்து இத்தகைய கடும் வெப்ப நிலையை உருவாக்கியுள்ளதாக அந்நாட்டின் வானிலை ஆய்வு மையம் தெரிவித்துள்ளது. இதன் காரணமாக, பகல் முழுவதும் நாடு முழுவதும் வறண்ட மூடுபனியுடன் கூடிய வெப்பமான வானிலை நீடிக்கும் என எதிர்பார்க்கப்படுகிறது.

இந்த அதீத வெப்பத்தினால் பொதுமக்களுக்கு வெப்பத்தாக்கம், திடீர் தீ விபத்துகள், மின் கசிவு போன்ற ஆபத்துகள் ஏற்பட வாய்ப்புள்ளதாக அதிகாரிகள் எச்சரித்துள்ளனர். 

எனவே, பொதுமக்கள் நீண்ட நேரம் வெளியில் நடமாடுவதைத் தவிர்க்குமாறும், உடலில் நீர்ச்சத்தை பராமரிக்க போதுமான அளவு தண்ணீர் பருகுமாறும் கேட்டுக்கொள்ளப்படுகிறார்கள்.

வானிலை மாற்றங்களை உடனுக்குடன் கவனிப்பதோடு, தேவையற்ற வெளிப்புற நடவடிக்கைகளைக் குறைத்துக்கொள்ள வேண்டும் என லாவோஸ் வானிலை, நீரியல் துறை பொதுமக்களுக்கு அறிவுறுத்தியுள்ளது.

-கிரித்திக்கா