லா லீகா கால்பந்து போட்டி: பார்சிலோனா வெற்றி

மாட்ரிட்:

லா லீகா கால்பந்து போட்டியில் பார்சிலோனா அணியினர் வெற்றி பெற்றனர்.

மெட்ரோபோலிடன் அரங்கில் நடைபெற்ற ஆட்டத்தில் பார்சிலோனா அணியினர் அட்லாட்டிகோ மாட்ரிட் அணியை சந்தித்து விளையாடினர்.

இதில் சிறப்பான ஆட்டத்தை வெளிப்படுத்திய பார்சிலோனா அணியினர் 2-1 என்ற கோல் கணக்கில் அட்லாட்டிகோ மாட்ரிட் அணியை வீழ்த்தி வெற்றி பெற்றனர்.

பார்சிலோனா அணியின் வெற்றி கோல்களை மார்கஸ் ராஸ்போர்ட், ரோபர்ட் லெவண்டோஸ்கி ஆகியோர் அடித்தனர்.

மற்றொரு ஆட்டத்தில் ரியல்மாட்ரிட் அணியினர் 1-2 என்ற கோல்  கணக்கில் மலோர்கா அணியிடம் தோல்வி கண்டனர்.

ரியால் சோஷிடாட் அணியினர் 2-0 என்ற கோல் கணக்கில் லெவாந்தே அணியை வீழ்த்தி வெற்றி பெற்றனர்.

- பார்த்திபன் நாகராஜன்