ஆப்கானிஸ்தானில் ஏற்பட்ட கடுமையான நிலநடுக்கம்: 8 பேர் மரணம் 

காபூல்:

ஆப்கானிஸ்தானில் ஏற்பட்ட கடுமையான நிலநடுக்கத்தில் 8 பேர் உயிரிழந்தனர். ஒரு பிள்ளை காயமடைந்தது.

இந்து குஷ் (Hindu Kush) மலைப்பகுதியில் 5.9 ரிக்டர் அளவிலான நிலநடுக்கம் ஏற்பட்டது.

177 கிலோமீட்டர் ஆழத்தில் நிலநடுக்கம் மையம் கொண்டிருந்தது.

அதிர்வுகளில் ஒரு வீடு சரிந்து விழுந்ததில் 8 பேர் மாண்டதாகப்  பேரிடர் நிர்வாக ஆணையம் தெரிவித்தது.

நிலநடுக்கத்தின் அதிர்வுகள் பாகிஸ்தானின் இஸ்லாமபாத் நகரிலும், இந்தியாவின் புதுடில்லியிலும்  உணரப்பட்டதாக அதிகாரிகள் தெரிவித்தனர்.

மலைகளால் சூழ்ந்திருக்கும் ஆப்கானிஸ்தானில் ஆண்டுக்குச் சராசரியாக 560 பேர் நிலநடுக்கத்தில் மரணமடைகின்றனர்.

கடந்த ஆண்டு நவம்பர் 6.3 ரிக்டர் அளவிலான நிலநடுக்கம் ஏற்பட்டது.

அதில் 27 பேர் மாண்டனர். நூற்றுக்கணக்கான வீடுகள் சேதமாயின.

- ஆர்யன்