மேற்கு ஆசிய மோதல்; போர்நிறுத்தத்தின் முக்கியத்துவத்தை மலேசியா வலியுறுத்துகிறது: முஹம்மது ஹசான்

புத்ராஜெயா:

ஈரான் போரின் காரணமாக இப்பகுதியில் அதிகரித்து வரும் சமீபத்திய நிகழ்வுகளைத் தொடர்ந்து, மேற்கு ஆசியாவில் ஒரு விரிவான போர்நிறுத்தத்தை அமல்படுத்துவதன் முக்கியத்துவம் குறித்து மலேசியா தனது உறுதியான நிலைப்பாட்டை வெளிப்படுத்தியுள்ளது.

தற்போதைய பதற்றங்களைத் தணிப்பதில் பேச்சுவார்த்தை மற்றும் ராஜதந்திரத்தின் முக்கியத்துவத்தை வலியுறுத்திய வெளியுறவு அமைச்சர் டத்தோஶ்ரீ முஹம்மது ஹசான்,

நேற்று தனது ஈரானிய வெளியுறவு அமைச்சர் அப்பாஸ் அராக்சியுடன் தொலைபேசியில் உரையாடியபோது இந்த விஷயம் எழுப்பப்பட்டதாகக் கூறினார்.

ஒரு விரிவான, நிரந்தரமான போர்நிறுத்தம் உடனடியாக அமல்படுத்தப்பட வேண்டும் என்ற மலேசியாவின் விருப்பத்தை நாங்கள் வெளிப்படுத்துகிறோம்.

போரை நிறுத்துவதற்காக பதற்றங்களைத் தணிப்பதில் பேச்சுவார்த்தை,  ராஜதந்திரத்தின் முக்கியத்துவம் இந்த நேரத்தில் அவசரமாகத் தேவைப்படுகிறது என்று அவர் முகநூலில் வெளியிட்ட ஒரு அறிக்கையில் கூறினார்.

உலகளாவிய பொருளாதாரம், எரிசக்தி நிலைத்தன்மைக்காக ஹோர்முஸ் ஜலசந்தியில் கடல்வழிப் பாதைகளைப் பராமரிப்பதன் முக்கியத்துவத்திற்கும் மலேசியா தீவிர கவனம் செலுத்துகிறது என்று அவர் கூறினார்.

- பார்த்திபன் நாகராஜன்