பாஸ் கட்சியைச் சந்தித்ததை பகாங் மஇகா மறுத்துள்ளது

காராக்:

சமீபத்தில் பாஸ் பெந்தோங் தலைமையுடன் ஒரு சந்திப்பை நடத்தியதாக வெளியான செய்திகளை பகாங் மஇகா தலைவர் வி. ஆறுமுகம் மறுத்துள்ளார்.

அந்தச் செய்தி உண்மையற்றது.  தவறாக வழிநடத்துவது என்று விவரித்த சபாய் சட்டமன்ற உறுப்பினரான அவர் தேசிய முன்னணியுடன் இணைந்து பணியாற்றுவதில் உறுதியாக இருப்பதாகவும், பிரிவினை, வெறுப்பு அரசியலை நிராகரிப்பதாகவும் வலியுறுத்தினார்.

பகாங்கில் கடைப்பிடிக்கப்படும் சேவை, அர்ப்பணிப்பு மற்றும் கருணை ஆகிய அரசியல் தொடர்ந்து எனது வழிகாட்டும் கொள்கைகளாக இருக்கும்.

முஸ்லிம்களுக்கு ஒரு சிறப்பு மாதமான ரமலான் மாதத்தின் இறுதியில் இந்தச் செய்தி வெளியிடப்பட்டதற்கு அவர் வருத்தம் தெரிவித்தார்.

முன்னதாக பகாங் மாநில பாஸ் கட்சி, தேசியக் கூட்டணியில் மஇகா  பங்கேற்பதை வெளிப்படையாக ஏற்றுக்கொண்டதாகவும், மாநில எம்.ஐ.சி தலைவருடன் தொடர்பில் இருந்ததாகவும் ஒரு செய்தி இணையதளம் செய்தி வெளியிட்டது என்பது குறிப்பிடத்தக்கது.

- பார்த்திபன் நாகராஜன்