3,500 பேருக்கு ரமலான் உதவிப் பொருட்கள்: தலைநகர் அல் மதரஸதுல் ஃபரீதிய்யாவின் சார்பில் வழங்கப்பட்டது

கோலாலம்பூர்:

3,500 பேருக்கு  ரமலான் உதவிப் பொருட்கள் திருக் குர்ஆன்  மனனப் பள்ளியான அல் மதரஸதுல் ஃபரீதிய்யாவில் வழங்கப்பட்டது.

அதன் நிறுவனர் டத்தோ ஹாஜி ஜவஹர் அலி தய்யூப்கான் இதனை கூறினார்.

அல் மதரஸதுல் ஃபரீதிய்யா, அலிமாஜூ உணவகக் குழுமம், பிரெஸ்மா, நெஸ்ட்லே ஆகியவை இணைந்து 32ஆவது ஆண்டாக வசதி குறைந்த மக்களுக்கு பெருநாள் உதவிப் பொருட்களை வழங்கப்பட்டது.

பல நல்லுள்ளங்களின் ஒத்துழைப்புடன் கிட்டத்தட்ட 3,500 பேருக்கு உதவிப் பொருட்கள வழங்கப்பட்டது.

ரமலான் மாதத்தில் வசதிக் குறைந்த மக்களுக்கு உதவுவதை அல் மதரஸதுல் ஃபரீதிய்யா அறக் காரியமாக எண்ணி செயல்பட்டு வருகிறது என்று டத்தோ ஜவஹர் அலி கூறினார்.

இதனிடையே உதவிப் பொருட்கள் வழங்கும் நிகழ்வில் தேசிய போலிஸ்படையின் துணைத் தலைவர் டான்ஸ்ரீ அயோப் கான், அல் மதரஸதுல் ஃபரீதிய்யாவின் ஆலோசகர் டத்தோஸ்ரீ அப்துல் ஹலிம் அப்துல் சமாட் உட்பட பலர் கலந்து கொண்டனர்.

மிம் காய்ன் தலைவர் டத்தோ பி வி அப்துல் ஹமீத், கிளந்தான் சுல்தான், பிரிம் ஆரிஃப், பெரஸ்மா துணைத் தலைவர் முஹிப்புல்லா கான்,  பொருளாளர் நசர்தீன், டத்தோ அலி ஜின்னா, டத்தோ ஜைனி, மியாக் நிறுவனத் தலைவர் ஹாஜி இப்ராஹிம், கிம்மா அன்சாரி, எம். எம். ஒய். சி ரிஃபாயி உட்பட பல முக்கிய பிரமுகர்கள் நோன்பு திறப்பு நிகழ்ச்சியில் கலந்துகொண்டனர்.

- பார்த்திபன்நாகராஜன்