சாம்பியன்ஸ் லீக்: நியூகாஸில் அடுத்த சுற்றுக்கு முன்னேற்றம்

நியூகாஸில், இங்கிலாந்து: 

நியூகாஸில் யுனைடெட், அசர்பைஜான் சாம்பியன் கராபாக் எஃப்.கே. அணியை 3-2 என்ற கோல் கணக்கில் வீழ்த்தி, மொத்தம் 9-3 என்ற வெற்றியுடன் சாம்பியன்ஸ் லீக் 16-வது சுற்றுக்கு முன்னேறியுள்ளது.

இந்த வெற்றியின் மூலம் நியூகாஸில் ஆர்செனல், லிவர்பூல், செல்சி, மான்செஸ்டர் சிட்டி, டோட்டன்ஹாம் ஹாட்ஸ்பர் ஆகிய அணிகளுடன் சிறந்த 16 அணிகள் பட்டியலில் இணைந்துள்ளது.

முதல் போட்டியில் 6-1 என்ற முன்னிலையில் இருந்ததால், பயிற்சியாளர் எட்டி ஹோ சில மாற்றங்களைச் செய்தார். இருப்பினும், நியூகாஸில் தொடக்கத்திலேயே சாண்ட்ரோ டோனாலி, ஜோலின்டன் ஆகியோரின் கோல்களால் வலுவாகத் தொடங்கியது.

இரண்டாம் பாதியில் கராபாக் அணி இரண்டு கோல்களை அடித்து மீண்டும் போட்டியில் வலுபெற தொடங்கியுள்ளது. இதில், ஆரன் ராம்ஸ்டேல் காப்பாற்றிய பெனால்டி ஒன்றும் இருந்தது. அதன் பின்னர் எல்வின் ஜஃபர்குலியேவ் ரீபவுண்ட் வாய்ப்பில் கோல் அடித்தார். ஸ்வென் போட்மேன் நியூகாஸிலுக்காக மேலும் ஒரு கோலை பதிவு செய்தார்.

இந்தச் சீசனில் சாம்பியன்ஸ் லீக்கில் கராபாக் அணி மொத்தம் 30 கோல்களை விட்டுக்கொடுத்துள்ளது குறிப்பிடத்தக்கது.

-சங்கீர்த்தனா