மலேசிய சமூக ஒற்றுமை வலுப்பெறுகிறது: தேசிய ஒற்றுமை அமைச்சர் ஆரோன் கூறினார்

புத்ராஜெயா: 

மலேசியாவின் தேசிய ஒற்றுமை நிலை முன்னேற்றத்தை கண்டுள்ளது. 2025 ஆம் ஆண்டுக்கான தேசிய ஒற்றுமை குறியீடு (IPNas) 0.701 ஆக உயர்ந்துள்ளதன் மூலம், பல இன மக்களுக்கிடையிலான ஒற்றுமை மேலும் உறுதியடைந்துள்ளதாக அறிவிக்கப்பட்டுள்ளது.

தேசிய ஒற்றுமை அமைச்சர் ஆரோன் அகோ டிரேடிங் கூறுகையில், இந்த முன்னேற்றம் 12-ஆவது மலேசியத் திட்டத்தின் இலக்குகளை எட்டியுள்ளதாகவும், 2018-இல் 0.567 ஆக இருந்த குறியீடு 2022-இல் 0.629 ஆகவும், தற்போது தொடர்ந்து உயர்வை பதிவு செய்துள்ளதாகவும் தெரிவித்தார்.

இந்த ஆய்வில், அரசாங்கத்தின் செயல்திறனின் அளவை பிரதிபலிக்கும் ஆறு முக்கிய கூறுகளான பொருளாதார மேலாண்மை, அரசியல், குற்றம், பொது சேவைகள், பொது வசதிகள், சமூக மேலாண்மை ஆகியவற்றின் மீதான மக்களின் கருத்துக்களை அடிப்படையாகக் கொண்டு இந்த மதிப்பீடு நடத்தப்பட்டதாக அவர் கூறினார்.

-கிரித்திக்கா