அதிகாலையில் தீ விபத்து: நான்கு வாகனங்கள் முற்றாக எரிந்து நாசம்

பெர்மாதாங் பாவ்:

கம்போங் பெலா டுவா பகுதியில் ஏற்பட்ட தீ விபத்தில், ஒரு வீடும் நான்கு வாகனங்களும் தீயில் முற்றாக சேதமடைந்தன. 

அதிகாலை நேரத்தில் ஏற்பட்ட இந்த தீ விபத்தால் அப்பகுதியில் பெரும் பரபரப்பு ஏற்பட்டதாக கூறப்படுகிறது. தகவல் கிடைத்தவுடன் தீயணைப்பு படையினர் சம்பவ இடத்திற்கு விரைந்து சென்றனர்.

தீ விபத்தில், அந்த வீடு பெருமளவில் எரிந்து நாசமடைந்ததுடன், இரண்டு கார்களும், இரண்டு இருசக்கர வாகனங்களும் தீயில் கடுமையாக சேதமடைந்தன. தீ வேகமாக பரவியதால், குறுகிய நேரத்தில் பெரும் சேதம் ஏற்பட்டதாக அதிகாரிகள் தெரிவித்தனர். 

இதனிடையே தீயைக் கட்டுப்படுத்த தீயணைப்பு வீரர்கள் தீவிரமாக செயல்பட்டனர்.

இந்த சம்பவத்தின் போது, வீட்டில் இருந்த ஐந்து நபர்களும் பாதுகாப்பாக வெளியேற்றப்பட்டனர். தீ விபத்திற்கான காரணம் குறித்து விசாரணை மேற்கொள்ளப்பட்டு வருவதாக மலேசியா தீயணைப்பு, மீட்புத் துறை தெரிவித்துள்ளது.

-கிரித்திக்கா