மத சகிப்புத்தன்மை, வழிபாட்டுத் தலங்களின் பாதுகாப்பு ஆகியவை நல்லிணக்கத்தின் அடிப்படையாகும்: ஜாஹித் ஹமிடி

பிரிக்பீல்ட்ஸ்:

மத சகிப்புத்தன்மை, வழிபாட்டுத் தலங்களின் பாதுகாப்பு ஆகியவை நல்லிணக்கத்தின் அடிப்படையாகும்.

துணைப் பிரதமரும் டத்தோஸ்ரீ அஹ்மத் ஜாஹித் ஹமிடி இதனை தெரிவித்தார்.

இந்த நாட்டில் பன்முகத்தன்மை கொண்ட சமூகத்தின் நல்லிணக்கத்தைப் பாதுகாப்பதில் மத சகிப்புத்தன்மையை வலுப்படுத்துதல், ஒழுக்கத்தை வளர்ப்பது, வழிபாட்டுத் தலங்களின் பாதுகாப்பை உறுதி செய்தல் ஆகியவற்றில் கவனம் செலுத்தப்பட வேண்டும்.

குறிப்பாக பல்வேறு வழிபாட்டுத் தலங்கள் உள்ள நகர்ப்புறங்களில் இந்தத் தேவை அதிகரித்து வருகிறது.

இதனால் மக்களிடையே பரஸ்பர மரியாதை, உயர்ந்த நெறிமுறைகள் தேவைப்படுகின்றன.

இதற்கு பிரிக்ஃபீல்ட்ஸை உதாரணமாக எடுத்துக் கொள்ளுங்கள்.

இந்தப் பகுதியில் தேவாலயங்கள்,  கோயில்கள் உட்பட பல்வேறு மதங்களின் 17க்கும் மேற்பட்ட வழிபாட்டுத் தலங்கள் உள்ளன.

நாம் மற்ற மதங்களை மதிக்கக் கற்றுக்கொள்ள வேண்டும்.

இந்தச் சூழ்நிலையில்தான் மலேசியா ஒரு இணக்கமான, சகிப்புத்தன்மை, பல இன நாடாக மாறுகிறது.

நேற்று பிரிக்பீல்ட்ஸில் உள்ள மதரஸதுல் கௌதியா (வெள்ளிக்கிழமை தொழுகை அறை) புதிய விரிவாக்கக் கட்டிடத்தை (கட்டம் 1) திறந்து வைத்துப் பேசும் போது இஎன்றஅவர் கூறினார்.

வழிபாட்டுத் தலங்களின் வளர்ச்சி, சமூகக் கூட்டங்கள், செயல்பாடுகளுக்கான மையமாக, பௌதீக அம்சங்களுக்கும் சமூக செயல்பாடுகளின் செழிப்புக்கும் இடையில் சமநிலையான முக்கியத்துவத்தை அளிக்க வேண்டும்.

அதைத் தவிர, வேறுபாடுகளை நிர்வகிப்பதில் முஸ்லிம்கள் ஒழுக்கம், பழக்கவழக்கங்கள் மூலம் சிறந்த முன்மாதிரி வைக்க வேண்டும் என்று அவர் கூறினார்.

- பார்த்திபன் நாகராஜன்