மலேசியாவில் மனிதக் கடத்தல் கும்பல்: இருவர் கைது

கோலாலம்பூர்:

‘இக்பால்’ எனப்படும் மனிதக் கடத்தல் கும்பலின் உள்ள இரண்டு வங்காளதேச ஆண்கள், தாமான் மலூரியில் உள்ள ஒரு அடுக்குமாடி குடியிருப்பில் நடத்தப்பட்ட சோதனையில் கைது செய்யப்பட்டனர். அந்த இடம், சட்டவிரோதமாக நுழைந்த வெளிநாட்டவர்களுக்கான தற்காலிக தங்குமிடமாக பயன்படுத்தப்பட்டு வந்தது.

மலேசிய குடிவரவு துறை தலைமை இயக்குநர் டத்தோ ஸகாரியா ஷாபான் தெரிவித்ததாவது, இந்த நடவடிக்கையில் 27 முதல் 44 வயதுக்குட்பட்ட ஐந்து வங்காளதேச ஆண்கள் சட்டவிரோதமாக கடத்தப்பட்ட குடியேற்றவர்களாக கைது செய்யப்பட்டனர்.

மேலும், தங்குமிட பராமரிப்பாளர், கும்பலின் போக்குவரத்து ஏற்பாட்டாளர் என சந்தேகிக்கப்படும் 56 வயது, 28 வயதுடைய இரு வங்காளதேச ஆண்களும் கைது செய்யப்பட்டனர்.

கைது செய்யப்பட்ட அனைவரின் பாஸ்போர்ட்களிலும் மலேசியாவிற்கு சட்டபூர்வமாக நுழைந்ததற்கான செல்லுபடியாகும் முத்திரை இல்லை என்பது கண்டறியப்பட்டது.
இந்த நடவடிக்கை, கிளாந்தான் மாநிலத்தில் உள்ள குறுக்கு வழியின் மூலம் சட்டவிரோதமாக நாட்டிற்குள் நுழையும் பங்களாதேஷ் குடியேற்றவர்களைப் பற்றிய உளவுத் தகவலின் அடிப்படையில் மேற்கொள்ளப்பட்டது.

உளவுத் தகவல்களின் படி, இந்த குடியேற்றவர்கள் சமீபத்தில் கிளாந்தானில் குடிவரவு துறையால் முறியடிக்கப்பட்ட ‘இக்பால்’ மனிதக் கடத்தல் கும்பலுடன் தொடர்புடையவர்கள். தாமன் மலூரியின் அடுக்குமாடி குடியிருப்பில், கிழக்கு கரையிலிருந்து வந்த குடியேற்றவர்களுக்கான தற்காலிக தங்குமிடமாக பயன்படுத்தப்பட்டதாகவும் தெரிவிக்கப்பட்டது.

இந்த சோதனை, மனிதக் கடத்தல், குடியேற்றக் கடத்தல் தடுப்பு பிரிவு (ATIPSOM), புத்ராஜெயா குடிவரவு தலைமையகம், கிளாந்தான் குடிவரவு அமலாக்கம் ஆகிய பிரிவுகள் இணைந்து மேற்கொண்டதாகும்.

- கிரித்திகா