நிபோங் திபாலில் மிக அருகில் இருந்து சுட்டதால் ஆடவர் மரணம்

நிபோங் திபால்:

ஜாலான் பெசார் பெர்மாதாங் கெலிங்கில் உள்ள ஒரு கார் கழுவும் நிலையத்தின் முன் நேற்று இரவு நடந்த துப்பாக்கிச் சூட்டில் ஒருவர் உயிரிழந்தார்.

பாதிக்கப்பட்டவர் மருத்துவமனையில் சிகிச்சை பெற்று வந்த நிலையில் பாதிக்கப்பட்டவர் உயிரிழந்தது உறுதி செய்யப்பட்டது.

38 வயதான உள்ளூர் நபரை இரவு 10.20 மணியளவில் மோட்டார் சைக்கிளில் வந்த இரண்டு பேர் அணுகியதாகவும், பின்னர் ஒரு சந்தேக நபர் அருகில் இருந்து ஆறு முறை துப்பாக்கிச் சூடு நடத்தியதாகவும் கூறப்படுகிறது.

உடலின் பல பகுதிகளில் பலத்த காயமடைந்த பாதிக்கப்பட்டவர், கூடுதல் சிகிச்சைக்காக பாரிட் புந்தார் மருத்துவமனைக்கு அனுப்பப்பட்டார்.

பின்னர் தைப்பிங் மருத்துவமனைக்கு பரிந்துரைக்கப்பட்டார்.

சிகிச்சை பெற்று வந்த அவர் மருத்துவமனையில் இறந்துவிட்டதாக உறுதிப்படுத்தப்பட்டது.

இதற்கிடையில், பினாங்கு போலிஸ் தலைவர் டத்தோ அசிசி இஸ்மாயிலைத் தொடர்பு கொண்டபோது,  அவர் இந்த சம்பவத்தை உறுதிப்படுத்தினார்.

இந்த சம்பவம் குறித்து பினாங்கு போலிஸ் தலைமையகம்  விரைவில் அதிகாரப்பூர்வ அறிக்கையை வெளியிடும் என்று அவர் கூறினார்.

- பார்த்திபன் நாகராஜன்