2026ஆம் ஆண்டுக்கான தைப்பூசம், கூட்டரசுப் பிரதேச தினத்திற்கு கூடுதல் விடுமுறை

புத்ராஜெயா:

2026ஆம் ஆண்டிற்கான பொது விடுமுறை நாட்களை, அதாவது பிப்ரவரி 1ஆம் தேதி தைப்பூச தினம், கூட்டரசுப் பிரதேச தினம் என மத்திய அரசு பதிவேட்டில் வெளியிட்டுள்ளது.

மனிதவள அமைச்சகத்தின் அறிக்கையின்படி,

கூட்டரசுப் பிரதேச தின விடுமுறை என்பது கோலாலம்பூர், புத்ராஜெயா,  லாபுவானில் உள்ள தனியார் துறை முதலாளிகளால் ஊழியர்களுக்கு வழங்கப்படும் கட்டாய விடுமுறையாகும்.

இது வேலைவாய்ப்புச் சட்டம் 1955 [சட்டம் 265] பிரிவு 60டி(1)(ஏ)(iii) இன் விதிகளின்படி உள்ளது.

மேலும் இதை மாற்ற முடியாது.

அடுத்தாண்டு கூட்டரசுப் பிரதேச தின விடுமுறை ஞாயிற்றுக்கிழமை வருகிறது.

இதனால ஞாயிற்றுக்கிழமையை ஊழியர்களுக்கு வாராந்திர ஓய்வு நாளாக நிர்ணயித்த முதலாளிகள் அடுத்த வேலை நாளில் (திங்கட்கிழமை) மாற்று விடுமுறையை வழங்க வேண்டும்.

கூடுதலாக, சட்டம் 265 இன் துணைப்பிரிவு 60டி (1)(ஏ) இன் படி தேர்ந்தெடுக்கப்பட்ட மீதமுள்ள ஆறு பொது விடுமுறை நாட்களாக தைப்பூச விடுமுறையைத் தேர்ந்தெடுக்கும் முதலாளிகள், இந்த இரண்டு பொது விடுமுறை நாட்களுக்கும் இடையில் ஒன்றுடன் ஒன்று இருப்பதால்,

அடுத்த வேலை நாளான செவ்வாய்க்கிழமை மாற்று விடுமுறையை வழங்க வேண்டும்.

அதே சட்டத்தின் படி பணியாளரின் ஒப்புதலுக்கு உட்பட்டு, முதலாளிகள் வேறு எந்த நாளையும் ஊதியத்துடன் கூடிய விடுமுறையாக வழங்கலாம்.

பொது விடுமுறை நாளில் பணிபுரிய உத்தரவிடப்பட்ட ஊழியர்கள், பிரிவு 60டி(3) இல் பரிந்துரைக்கப்பட்டுள்ளபடி பொது விடுமுறைகளுக்கான ஊதிய விகிதத்தைப் பெற உரிமை உண்டு என்று அந்த அறிக்கையில் கூறப்பட்டுள்ளது. 

- பார்த்திபன் நாகராஜன்