மஇகா அனுப்பிய கடிதம் தேசியக் கூட்டணியில் சேருவதற்கான அதிகாரப்பூர்வ விண்ணப்பம் அல்ல: டத்தோ ஆனந்தன்

கோலாலம்பூர்:

மஇகா அனுப்பிய கடிதம் தேசியக் கூட்டணியில் சேருவதற்கான அதிகாரப்பூர்வ விண்ணப்பம் அல்ல.

மஇகா தலைமை செயலாளர் டத்தோ ஆனந்தன் இதனை கூறினார்.

தேசியக் கூட்டணிக்கு அனுப்பப்பட்ட கடிதம் கூட்டணியில் சேருவதற்கான அதிகாரப்பூர்வ விண்ணப்பம் அல்ல என்பதை மஇகா தெளிவுபடுத்துகிறது.

உறுப்பினர் சேர்க்கை வடிவம், சேர்க்கை செயல்முறை, தேசியக் கூட்டணியில் அங்கமாக ஏற்றுக்கொள்ளப்பட்டால் மஇகாவின் நிலைப்பாடு போன்ற பிரச்சினைகளில் கவனம் செலுத்தி, சேர்வதற்கு முன் தெளிவுபடுத்துவதற்காக கடிதம் எழுதப்பட்டது.

பல பாஸ் தலைவர்கள் கட்சியை தேசியக் கூட்டணியில் சேருமாறு அழைத்ததை அடுத்து மஇகா இந்தக் கடிதத்தை அனுப்பியது.

கட்சியின் கடைசி ஆண்டு பொதுக் கூட்டத்திற்கு நான்கு நாட்களுக்கு முன்பு இந்தக் கடிதம் அனுப்பப்பட்டதாக அவர் கூறினார்.

இந்திய சமூகத்தின் வளர்ச்சிக்கான தேசிய கூட்டணியின் அர்ப்பணிப்பு குறித்து மேலும் தெளிவுபடுத்துமாறு மஇகா கோரியது.

கட்சியின் வழிகாட்டுதல் குறித்து முக்கியமான முடிவுகளை எடுப்பதற்கு முன் எங்களுக்கு முழுமையான தகவல்கள் தேவை என்று அவர் கூறினார்.

- பார்த்திபன் நாகராஜன்