ஐரோப்பிய சாம்பியன் லீக்: அர்செனல், ரியல்மாட்ரிட் வெற்றி

லண்டன்:

ஐரோப்பிய சாம்பியன் லீக் கிண்ண கால்பந்து போட்டியில் அர்செனல், ரியல்மாட்ரிட் அணிகள் வெற்றி பெற்றன.

எமிரேட்ஸ் அரங்கில் நடைபெற்ற ஆட்டத்தில் அர்செனல் அணியினர் பாயர்ன் முனிச் அணியை சந்தித்து விளையாடினர்.

இதில் அபார ஆட்டத்தை வெளிப்படுத்திய அர்செனல் அணியினர் 3-1 என்ற கோல் கணக்கில் பாயர்ன்முனிச் அணியை வீழ்த்தி வெற்றி பெற்றனர்.

அர்செனல் அணியின் வெற்றி கோல்களை ஜூரியன் டிம்பர், நோனி மடுன்கே, கேப்ரியல் மார்தனெலி ஆகியோர் அடித்தனர்.

மற்றொரு ஆட்டத்தில் ரியல்மாட்ரிட் அணியினர் 4-3 என்ற கோல் கணக்கில் ஒலிம்பியாகோஸ் அணியை வீழ்த்தி வெற்றி பெற்றனர்.

லிவர்பூல் அணியினர் 1-4 என்ற கோல் கணக்கில் பிஎஸ்வி எண்ட்ஓவன் அணியிடம் தோல்வி கண்டனர்.

பிஎஸ்ஜி அணியினர் 5-3 என்ற கோல் கணக்கில் டோட்டன்ஹாம் அணியை வீழ்த்தி வெற்றி பெற்றனர்.

- பார்த்திபன் நாகராஜன்