உலக கோப்பையில் பங்கு பெற 'Speedy Tigers'க்கு இன்னும் வாய்ப்புள்ளது

கோலாலம்பூர்: 

இஸ்மெய்லியா, எகிப்தில் நடைபெற்ற 2026 உலகக் கோப்பை ஹாக்கி அரை இறுதிப் போட்டியில் இங்கிலாந்திடம் தோல்வியடைந்த போதிலும், நாட்டின் ஆடவர் ஹாக்கி அணி 'Speedy Tigers'க்கு  உலகக் கோப்பையில் போட்டியிட இன்னும் வாய்ப்பு வெளிச்சமான நிலையில் உள்ளது.

தற்போது மலேசியாவின் உலகத் தரவரிசை நிலையானது இறுதி தகுதி வாய்ப்புக்குப் போட்டியிடும் மற்ற இரண்டு அணிகளான வேல்ஸ், போலந்து ஆகிய அணிகளுக்கு மிகப் பெரிய நன்மை அளிப்பதால் இந்நிலை ஏற்பட்டுள்ளது.

எகிப்தின் இஸ்மாயிலியாவிலும் சிலியின் சாண்டியாகோவிலும் நடைபெறும் இரண்டு தகுதிப் போட்டிகளில், ஏழு அணிகள் உலகக் கோப்பைக்கான மீதமுள்ள ஏழு இடங்களை நிரப்பும், ஒவ்வொரு போட்டியிலிருந்தும் முதல் மூன்று அணிகள் தானாகவே தகுதி பெறும். 

இதுவரை பாகிஸ்தான், இங்கிலாந்தின் இஸ்மாயிலியாவிலிருந்து இரண்டு இறுதிப் போட்டியாளர்கள் உலக அரங்கிற்கான நுழைவுகளை உறுதிப்படுத்தியுள்ளனர், அதே நேரத்தில் சாண்டியாகோவில், பிரான்ஸும் அயர்லாந்தும் இறுதிக் கட்டத்தை அடைந்த பிறகு உலகக் கோப்பைக்குத் தகுதி பெற்றன.

மலேசியா, ஜப்பான் உடனான போட்டியில் வெற்றி பெற்றால் தானாக தகுதி பெறும் வாய்ப்பு உள்ளது.

இருப்பினும், மலேசியா இந்தப் போட்டியில் தோற்றாலும், வாய்ப்பு இன்னும் திறந்தே உள்ளது, ஏனெனில் இரண்டு தகுதிப் போட்டிகளிலும் மூன்றாவது இடத்திற்கான போட்டியில் தோற்ற இரு அணிகளுக்கும் இடையில் அதிக உலக தரவரிசையைப் பெற்ற அணிக்கு ஏழாவது இடம் வழங்கப்படும்.

தற்போதைய உலக தரவரிசைப்படி மலேசியா 2,207.46 புள்ளிகளுடன் உலகில் 14வது இடத்தில் உள்ளது, வேல்ஸை விட 15வது இடத்தில் (2,098.71 புள்ளிகள்), போலந்து 20வது இடத்தில் (1,873.98 புள்ளிகள்) மிகவும் முன்னிலையில் உள்ளது.

இந்த நிலைமை மலேசியா உலகக் கோப்பைக்குச் செல்வதற்கான வாய்ப்புகளை இன்னும் பிரகாசமாக்குகிறது. ஏனெனில், அவர்கள் ஜப்பானிடம் தோற்றாலும், தரவரிசை நிலை வேல்ஸ் அல்லது போலந்தை விட அதிகமான புள்ளிகள் பெற்று இருக்கும் என்று எதிர்பார்க்கப்படுகிறது.

-சங்கீர்த்தனா