சர்க்கரை சேர்க்காத நாளை இந்திய முஸ்லிம் உணவகங்கள் அறிமுகப்படுத்தும்: பிரெஸ்மா

கோலாலம்பூர்:

சர்க்கரை சேர்க்காத நாளை இந்திய முஸ்லிம் உணவகங்கள் அறிமுகப்படுத்தும்.

பிரெஸ்மாவின் தலைவர் ஹாஜி முகமத் மோசின் அப்துல் ரசாக் இதனை கூறினார்.

பிரெஸ்மா அதன் நிர்வாகத்தின் கீழ் உள்ள உணவகங்கள் நீரிழிவு நெருக்கடியை நிவர்த்தி செய்யும் முயற்சியில் சர்க்கரை சேர்க்கப்படாத நாள் திட்டத்தை செயல்படுத்த பரிந்துரைத்துள்ளது.

மலேசிய மருத்துவ சங்கத்தின் மலேசியர்களிடையே சர்க்கரை சேர்க்கும் அளவைக் குறைக்க வேண்டியதன் அவசியத்திற்கான அழைப்புக்கு ஆதரவளிக்கும் அறிகுறியாகவும் இந்த திட்டம் உள்ளது.

இந்த முயற்சி அரசாங்க நிறுவனங்களுடன் சேர்ந்து வாடிக்கையாளர்களுக்கான விழிப்புணர்வு பிரச்சாரமாகும்.

இதனால் மலேசியாவின் நீரிழிவு நெருக்கடியின் அபாயத்தைக் குறைக்கிறது.

பெருகிவரும் கவலைக்குரிய நீரிழிவு பிரச்சினையை நிவர்த்தி செய்வதில் ஒரு மூலோபாய பங்காளியாக ஒரு பங்கை வகிக்க நாங்கள் உறுதி கொண்டுள்ளோம்.

பிரெஸ்மா அதன் உறுப்பினர்களுக்கு அவர்களின் பானங்களில் சர்க்கரையின் அளவை படிப்படியாகக் குறைக்க பரிந்துரைக்கும்.

இந்திய முஸ்லிம் உணவகங்களில் குறைந்த சர்க்கரை, சர்க்கரை இல்லாத பான விருப்பங்களை வழங்கும்.

இந்த நடவடிக்கை தானாக முன்வந்து செயல்படுத்தப்படலாம்.

ஆனால் உணவக செயல்பாடுகளை பாதிக்காத வகையில் திட்டமிடப்பட்டுள்ளது என்று அவர் கூறினார்.

- பார்த்திபன் நாகராஜன்