வேட்டையாடும்போது சூடுப்பட்டு இறந்த ஆடவரின் உடலை பத்துமலையிலிருந்து செமாங்கோலுக்கு கொண்டு வந்த நண்பர்கள் நடுவழியில் விட்டுச் சென்றனர்

பாகான் செராய் -

வேட்டையாடும்போது சூடுப்பட்டு இறந்த ஆடவரின் உடலை பத்துமலையிலிருந்து செமாங்கோலுக்கு அவரின் நண்பர்கள் கொண்டு வந்தனர்.

பேரா மாநில போலிஸ் தலைவர் டத்தோ நூர் ஹிசாம் நோர்டின் இதனை தெரிவித்தார்.

சிலாங்கூரில் உள்ள பத்துமலையில்  வேட்டையாடும் போது ஆடவர் ஒருவர் சுட்டுக் கொல்லப்பட்டார்.

இதனால் அவரின் உடலை அவரின் 3 நண்பர்கள் சொந்த ஊருக்கு எடுத்துச் செல்ல முயற்சித்தனர்.

பின்னர் அவரது உடலை இங்கு அருகிலுள்ள செமாங்கோல் பகுதியில் விட்டுச் சென்றனர்.

நேற்று அதிகாலை செமாங்கோலுக்கு அருகிலுள்ள கம்போங் செலாமாட்டில் உள்ள ஒரு செப்பனிடப்படாத சாலையில், பின்புறத்தில் மூன்று துப்பாக்கிச் சூட்டுக் காயங்களுடன் 43 வயதான பாதிக்கப்பட்டவரின் உடல் பொதுமக்களால் கண்டுபிடிக்கப்பட்டது.

செமாங்கோல் சுகாதார மருத்துவமனை ஊழியர்கள் பரிசோதித்ததில் அந்த நபர் இறந்து விட்டதாக உறுதிப்பட்டது.

இதைத் தொடர்ந்து, விசாரணைக்கு உதவுவதற்காக பாதிக்கப்பட்டவரின் உறவினர் ஒருவர் உட்பட, 32, 33 வயதுடைய இரண்டு பேரை போலிசார் கைது செய்தனர்.

மேலும் விசாரணையில் செப்டம்பர் 28ஆம் தேதி பத்துமலையில் வேட்டையாடும் போது, ​​ விலங்கு என்று நினைத்து அவர்களில் ஒருவர் பாதிக்கப்பட்டவரை சுட்டுக் கொன்றது கண்டறியப்பட்டது.

சம்பவத்திற்குப் பிறகு அவர்கள் பாதிக்கப்பட்டவரை ஒரு வாகனத்தில் செமாங்கோலுக்கு அழைத்துச் செல்ல சதி செய்தனர்.

மேலும் அவர்களுடன் மேலும் இரண்டு வாகனங்களும் வந்தன.

உண்மையான கதையை விட வேறுபட்ட கதையை உருவாக்க பாதிக்கப்பட்டவர் ஒரு செப்பனிடப்படாத சாலையில் விடப்பட்டார்.

நேற்று இரவு 8.30 மணிக்கு பத்துமலை மாவட்ட தலைமையக அதிகாரிகளால் மற்றொரு 36 வயது சந்தேக நபர் கைது செய்யப்பட்டதை உறுதிப்படுத்தினார்.

- பார்த்திபன் நாகராஜன்