இஸ்ரேலிய தாக்குதலில் கத்தாரில் உள்ள மலேசியர்கள் யாரும் பாதிக்கப்படவில்லை: தூதரகம் உறுதிப்படுத்தியது

கோலாலம்பூர்:

இஸ்ரேலிய தாக்குதலில் கத்தாரில் உள்ள மலேசியர்கள் யாரும் பாதிக்கப்படவில்லை.

கத்தார் நாட்டின் டோஹாவில் உள்ள மலேசிய தூதரகம் இதனை உறுதிப்படுத்தியுள்ளது.

ஹமாஸ் தலைவரின் அலுவலகம் மீது இஸ்ரேலிய ஆட்சி நடத்திய தாக்குதலின் விளைவாக லெக்டைஃபியாவில் ஏற்பட்ட வெடிவிபத்தில் எந்த மலேசியர்களும் பாதிக்கப்படவில்லை.

கத்தாரில் உள்ள மலேசியர்கள் விழிப்புடன் இருக்கவும், சம்பவம் நடந்த பகுதியிலிருந்து விலகி இருக்கவும் தூதரகம் அறிவுறுத்தியது.

கத்தார் அதிகாரிகளால் வெளியிடப்பட்ட உண்மையான ஆதாரங்கள் மூலம் தற்போதைய முன்னேற்றங்களை எப்போதும் பின்பற்றவும் அவர்கள் அறிவுறுத்தப்படுகிறார்கள். மேலும் நிலைமை இப்போது முழுமையாகக் கட்டுக்குள் உள்ளது.

நாட்டின் வான்வெளி மூடப்படாது என்றும் கத்தார் அரசாங்கம் உறுதியளித்துள்ளது என தூதரகம் கூறியது.

- பார்த்திபன் நாகராஜன்