வட கொரியா அதிபர் கிம் ஜோங் உன்னை பிரதமர் டத்தோஸ்ரீ அன்வார் சந்தித்தார்

பெய்ஜிங்:

சீனாவில் வட கொரியா அதிபர் கிம் ஜோங் உன்னை சந்திக்கும் வாய்ப்பு கிடைத்தது என பிரதமர் டத்தோஸ்ரீ அன்வார் இப்ராஹிம் கூறினார்.

இரண்டாம் உலகப் போரின் 80ஆவது ஆண்டு நிறைவை நினைவுகூரும் வகையில் சீனாவின் வெற்றி தின அணிவகுப்பு  சீனாவின் பெய்ஜிங்கில் உள்ள தியனன்மென் சதுக்கத்தில் நடைபெற்றது.

இதில் பங்கேற்றபோது, ​​வட கொரியத் தலைவர் கிம் ஜோங் உன்னைச் சந்தித்து வாழ்த்தும் ஒரு வாய்ப்பு கிடைத்தது.

வட கொரியத் தலைவருடன் கைகுலுக்கி வாழ்த்தும் வாய்ப்பு தனக்குக் கிடைத்ததாக டத்தோஸ்ரீ அன்வார் முகநூல் பதிவில் தெரிவித்தார்.

தற்செயலாக, வட கொரிய அரசாங்கத் தலைவர் கிம் ஜோங் உன்னைச் சந்தித்தேன்.

அவரும் தியனன்மென் சதுக்கத்தில் நடந்த அணிவகுப்பைப் பார்க்க வந்திருந்தார். 

ஒருவருக்கொருவர் வாழ்த்தும் வாழ்த்தும் தெரிவிக்க எங்களுக்கு வாய்ப்பு கிடைத்தது என்று அவர் கூறினார்.

- பார்த்திபன் நாகராஜன்