புத்ராஜெயாவில் நடைபெறும் சுதந்திர தின ஒத்திகையை பிரதமர் பார்வையிட்டார்

புத்ராஜெயா:

புத்ராஜெயாவில் நடைபெறும் சுதந்திர தின ஒத்திகையை பிரதமர் டத்தோஸ்ரீ அன்வார் இப்ராஹிம் பார்வையிட்டார்.

2025 தேசிய தின கொண்டாட்டத்திற்கான முழு ஒத்திகை இன்று டாட்டாரன் புத்ராஜெயாவில் நடைபெற்றது.

இந்நிலையில் பிரதமர் டத்தோஸ்ரீ அன்வார் இப்ராஹிம்  நடைபெற்ற இந்த ஒத்திகையில்  கலந்து கொண்டார்.

அங்கு அணிவகுப்பு அதிகாரிகளை வாழ்த்தவும் நேரம் எடுத்துக் கொண்டார்.

டத்தோஸ்ரீ அன்வார் காலை 8.38 மணிக்கு அந்த இடத்திற்கு வந்தார்.

அவரை 2025 தேசிய தினம், மலேசிய தின கொண்டாட்டங்களுக்கான முதன்மைக் குழுவின் தலைவரான தகவல் தொடர்பு அமைச்சர் டத்தோ ஃபஹ்மி ஃபட்சில் வரவேற்றார்.

கிட்டத்தட்ட 20 நிமிட ஒத்திகையுடன் இணைந்து நடைபெற்ற 2,000 மாணவர்கள் பங்கேற்ற மனித கிராஃபிக் நிகழ்ச்சியில் பங்கேற்றவர்களை  பிரதமர் பலத்த ஆரவாரத்துடன் வரவேற்றார் என்பது குறிப்பிடத்தக்கது.

- பார்த்திபன் நாகராஜன்