பகடிவதை பிரச்சினைகளைக் கையாள அரசாங்கம் சிறப்புக் குழுவை அமைக்கும்: ஃபஹ்மி

புத்ராஜெயா:

நாட்டில் பகடிவதை பிரச்சினைகளைக் கையாள அரசாங்கம் சிறப்புக் குழுவை அமைக்கும்.

அரசாங்க பேச்சாளரும் தகவல் தொடர்பு அமைச்சருமான் ஃபஹ்மி ஃபட்சில் இதனை கூறினார்.

பகடிவதை பிரச்சினையைத் தீர்ப்பதற்காக ஒரு சிறப்புக் குழுவை அமைக்க இன்று நடைபெற்ற அமைச்சரவைக் கூட்டத்தில் ஒப்புக் கொள்ளப்பட்டது.

இந்த குழு செப்டம்பர் 2 ஆம் தேதி முதல் முறையாக கூடும்.

பிரதமர் துறையின் சட்டம், நிறுவன சீர்திருத்தம் அமைச்சர் டத்தோஸ்ரீ அசாலினா ஒத்மான் சைட் தலைமை தாங்குவார்.

தகவல் தொடர்பு, பல்லூடக சட்டம், தண்டனைச் சட்டம் உள்ளிட்ட பல திருத்தங்களைச் செய்த பிறகு, இந்த சிறப்புக் குழு பல்வேறு அமைச்சகங்கள் மற்றும் நிறுவனங்களின் கருத்துக்களைச் சேகரிக்கும்.

இன்று புத்ராஜெயாவில் நடந்த செய்தியாளர் கூட்டத்தில் அவர் இதனை கூறினார்.

- பார்த்திபன் நாகராஜன்