28,000த்திற்கும் மேற்பட்ட அந்நிய நாட்டினர் நாடு கடத்தப்பட்டனர்: சைபுடின்

புத்ராஜெயா:

மலேசியாவில் இருந்து 28,000த்திற்கும் மேற்பட்ட அந்நிய நாட்டினர் நாடு கடத்தப்பட்டனர்.

உள்துறை அமைச்சர் டத்தோஸ்ரீ சைபுடின் நசுதியோன் இதனை உறுதிப்படுத்தினார்.

கடந்த ஜனவரி 1 முதல் ஜூலை 6 வரை மலேசியாவில் இருந்து இவர்கள் நாடு கடத்தப்பட்டப்பட்டனர்.

1959/63 குடிவரவுச் சட்டத்தின் கீழ் 28,525 நபர்கள் தங்கள் சொந்த நாடுகளுக்கு நாடு கடத்தப்பட்டனர்.

இந்த எண்ணிக்கையில் 21,039 பேர் ஆண்கள் (74%) ஆவர். 6,145 பேர் பெண்கள் (21%) ஆவர்.

778 சிறுவர்கள் (3%),  563  (2%) சிறுமிகள் என்று நாடாளுமன்றத்திற்கு எழுத்துப்பூர்வமாக அளித்த பதிலில் அவர் கூறினார்.

நாடு கடத்தப்பட்டவர்களில் இந்தோனேசியர்கள் 11,085 பேருடன் அதிகபட்சமாக உள்ளனர்.

அதைத் தொடர்ந்து மியன்மார் (4,885),  பிலிப்பைன்ஸ் (4,885) உள்ளன என்று அவர் கூறினார்.

- பார்த்திபன் நாகராஜன்