Felcra Berhad RM178 மில்லியன் லாபத்தை பதிவு செய்துள்ளது; இன்று முதல் பங்கேற்பாளர்களுக்கு RM101 மில்லியன் கொடுப்பனவு வழங்கப்படுகிறது: துணைப்பிரதமர் பெருமிதம்

பாசிர் சலாக்:

ஃபெல்க்ரா பெர்ஹாட் (Felcra Berhad) நிறுவனம் ஏப்ரல் 2025 வரை RM178 மில்லியன் லாபத்தை ஈட்டியுள்ளது, இது முந்தைய ஆண்டை விட அதிகமாகும் என்று கிராமப்புற, பிராந்திய மேம்பாட்டு அமைச்சரான துணைப் பிரதமர் டத்தோஸ்ரீ டாக்டர் அஹ்மத் ஜாஹித் ஹமிடி கூறினார்.

இந்தத் தொகையில், இன்று முதல் நாடு முழுவதும் உள்ள 74,300 பங்கேற்பாளர்களுக்கு RM101 மில்லியன் விநியோகிக்கப்படும் என்றார் அவர்.

“கடந்த ஆண்டு இதே காலகட்டத்துடன் ஒப்பிடும்போது கிட்டத்தட்ட RM2 மில்லியன் அதிகரிப்புடன், வலுவான செயல்திறனை வெற்றிகரமாகப் பராமரித்ததற்காக ஃபெல்க்ரா பெர்ஹாட்டை நான் வாழ்த்துகிறேன். நாடு முழுவதும் உள்ள அனைத்து பங்கேற்பாளர்களுக்கும் இலாப விநியோகத்தை நான் கண்காணிப்பேன்,” என்று அவர் இன்று இங்கு நடைபெற்ற ஃபெல்க்ரா பெர்ஹாட் பங்கேற்பாளர் திட்டங்களுக்கான 2025 முதல் இடைக்கால விநியோகிக்கக்கூடிய லாப அறிவிப்பு விழாவில் கூறினார்.

கிராமப்புற, பிராந்திய மேம்பாட்டு துணை அமைச்சர் டத்தோ ரூபியா வாங் மற்றும் ஃபெல்க்ரா பெர்ஹாட் தலைமை நிர்வாக அதிகாரி டத்தோ இட்ரிஸ் லாசிம் ஆகியோரும்இந்த நிகழ்வில் கலந்து கொண்டனர்.

- ஃபிதா