மாணவி சர்வினா பள்ளியில் மரணமடைந்த சம்பவம் தொடர்பில் குடும்பத்தினர் எம்ஏசிசியில் புகார் 

புத்ராஜெயா:

மாணவி சர்வினா பள்ளியில் மரணமடைந்த சம்பவம் தொடர்பில் அவரின் குடும்பத்தினர் எம்ஏசிசியில் புகார் செய்தனர்.

மலேசிய ஆகம அணியின் மத விவகார சட்டப் பிரிவின் இயக்குநர் அருண் துரைசாமி இதனை கூறினார்.

கடந்த  மே 27ஆம் தேதி சிலாங்கூரில் உள்ள கிள்ளானில் உள்ள இடைநிலைப் பள்ளியில் ஐந்தாம் படிவ மாணவியான 17 வயதுடைய சர்வினா மரணமடைந்தார்.

இந்நிலையில் சர்வினாவின் மரணம் குறித்து  மறு விசாரணையை நடத்த வலியுறுத்தி அவரின் குடும்பத்தினர் எம்ஏசிசியில்  மனு தாக்கல் செய்தனர்.

அக்குடும்பத்தினரைப் பிரதிநிதித்துவப்படுத்திய வழக்கறிஞர் விக்ரம், சர்வினாவின் தந்தை எம். கோபாலன் ஆகியோரால் இந்த மனு தாக்கல் செய்யப்பட்டது.

மூன்று நபர்களும் இன்று காலை 10 மணியளவில் இங்குள்ள எம்ஏசிசி தலைமையக கட்டிடத்திற்குள் நுழைவதைக் காண முடிந்தது.

வழக்கு தொடர்பான ஆதாரங்களுடன் தனது தரப்பு ஒரு அறிக்கையைக் கொண்டு வந்ததாகவும், மூன்று சிறப்புக் குழுக்களுடன் இன்று தொடங்கும் விசாரணையை காவல்துறை மீண்டும் தொடங்கும் என்றும் தெரிவிக்கப்பட்டதாக அருண் கூறினார்.

பாதிக்கப்பட்டவரின் மரணத்திற்கான உண்மையான காரணத்தை தீர்மானிக்கும் வகையில் விரைவான மற்றும் வெளிப்படையான விசாரணை நடத்தப்படும் என்று குடும்பத்தினர் நம்புகிறார்கள் என்று அவர் இங்கே எம்ஏசிசி நுழைவாயிலுக்கு வெளியே சந்தித்தபோது கூறினார்.

தனிநபர்கள் அல்லது பள்ளி நிர்வாகம் சம்பந்தப்பட்ட தவறான நடத்தை இருந்தால், கொடுமைப்படுத்துதல் வழக்குகளைத் தடுக்க கடுமையான நடவடிக்கை எடுக்கப்பட வேண்டும் என்று அருண் கூறினார்.

- பார்த்திபன் நாகராஜன்