கிரிஸ்டியன் ஹோர்னரின் நீக்கம்: மக்லாரன் தலைவர் சாக் ப்ரவுன் கருத்து

ஒத்தாவே
ரெட் புல் F1 அணியின் தலைவர் கிரிஸ்டியன் ஹோர்னர் பணி நீக்கம் செய்யப்பட்டதைக் குறித்து மக்லாரன் ரேசிங் தலைமை நிர்வாக அதிகாரி சாக் ப்ரவுன் கருத்து தெரிவித்துள்ளார். “நேரம் மட்டும் சற்று எதிர்பாராதது தான்; ஆனால் முடிவில் எனக்கு ஆச்சரியமில்லை” என அவர் கூறினார்.

ஜூலை 9ஆம் தேதி, ஹோர்னர் தனது பதவிகளில் இருந்து நீக்கப்பட்டார். இதனுடன், 2005ஆம் ஆண்டு முதல் அணியை வழிநடத்தி வந்த அவரது அதிகாரபூர்வ காலம் முடிவுக்கு வந்தது. அந்த நீக்கத்திற்கு ரெட் புல் தரப்பில் எந்தவிதமான விளக்கமும் வழங்கப்படவில்லை. அவரது பதவிக்கு மாற்றாக லாரன்ட் மெக்கீஸ் நியமிக்கப்பட்டுள்ளார்.

இந்நிலையில், கனடா நாட்டின் டிஎஸ்என் தொலைக்காட்சிக்கு நேர்காணலில் பேசிய சாக் ப்ரவுன், கடந்த சில ஆண்டுகளில் ரெட் புல் அணியில் நிலவி வந்த தொடர்ச்சியான விவாதங்கள் குறித்து குறிப்பிட்டார். “அந்த குழப்பங்கள் சமாதானமாகவில்லை, அதற்கு பதிலாக அதிகரித்துக்கொண்டே வந்தன” என அவர் தெரிவித்தார்.

ஹோர்னருக்கு எதிராக ஒரு பெண் ஊழியர் கடந்த ஆண்டு பாலியல் தொல்லை மற்றும் கட்டுப்படுத்தும் தன்மையிலான நடத்தைகளை குற்றம் சாட்டியிருந்தார். இரு தனிப்பட்ட உள்துறை விசாரணைகள் குற்றச்சாட்டுகளை நிராகரித்தாலும், இந்த விவகாரத்தின் பின்னணியில் பல சிக்கல்கள் எழுந்தன.

அதன் பின்னணியில், அணியின் தலைமை வடிவமைப்பாளர் அட்ரியன் நியூவீ, ஸ்போர்டிங் டைரக்டர் ஜொனத்தன் வீட்லி, மற்றும் ஸ்ட்ராடஜி தலைமை அதிகாரி வில் கோர்ட்னே ஆகியோர் அணியை விட்டு வெளியேறினர்.

இந்த எல்லாவற்றையும் வைத்து, ஹோர்னரின் நீக்கம் “விசித்திரம் அல்ல” என சாக் ப்ரவுன் கூறியுள்ளார்.