சிலாங்கூரில் 1,000க்கும் மேற்பட்ட மாணவர்கள் மன அழுத்தத்திற்கு பாதிப்பாகும் அபாயத்தில் உள்ளனர்

ஷாஆலம்:

சிலாங்கூரில் 1,000க்கும் மேற்பட்ட மாணவர்கள் மன அழுத்தத்திற்கு ஆளாக நேரிடும் அபாயத்தில் உள்ளனர்.

மாநில  பொது சுகாதாரம் சுற்றுச்சூழல் நிர்வாக ஆட்சிக்குழு உறுப்பினர் ஜமாலியா ஜமாலுடின் இதனை கூறினார்.

சிலாங்கூரில் மொத்தம் 1,020 மேல்நிலைப் பள்ளி மாணவர்கள் மன அழுத்தத்திற்கு ஆளாகும் அதிக ஆபத்துள்ள பிரிவில் இருப்பதற்கான ஆரம்ப அறிகுறிகளைக் கொண்டுள்ளனர்.

நோயாளி சுகாதார கேள்வித்தாள் பரிசோதனைக்கு உட்படுத்தப்பட்ட 36,428 மாணவர்களில் இந்த எண்ணிக்கை 2.8% ஆகும்.

2024/2025 சிலாங்கூர் அமர்வுக்கான மாணவர் ஆரோக்கியமான மன பரிசோதனை தரவுகளின் பகுப்பாய்வின் அடிப்படையில்,

மாநிலத்தில் மாணவர்களிடையே எதிர்மறையான உளவியல் நடத்தை கட்டுப்பாட்டில் இருப்பதாக சதவீதம் காட்டுகிறது என்று அவர் கூறினார்.

இந்தத்  திட்டம் தொடர்ந்து செயல்படுத்தப்பட்டு, தொடக்கப் பள்ளிகளுக்கு, குறிப்பாக 5 மற்றும் 6 ஆம் வகுப்பு மாணவர்களை உள்ளடக்கிய வகையில் விரிவாக விரிவுபடுத்தப்படும்.

மன ஆரோக்கியத்தின் முக்கியத்துவம் குறித்த ஆரம்பகால விழிப்புணர்வை வளர்ப்பதும், மாணவர்களின் மீள்தன்மையை உருவாக்குவதும் ஆரோக்கியமான மன தலையீட்டின் முக்கிய நோக்கமாகும் என்று அவர் கூறினார்.

- பார்த்திபன் நாகராஜன்