தேன்நிலவின் போது கணவருக்கு ஏற்பட்ட விபரீதம்: காதல் கதை சோகத்தில் முடிந்தது 

வாஷிங்டன்: 

திருமணம் முடிந்த கையோடு தேன்நிலவுக்குச் சென்ற ஓர் இளம் ஜோடியின் காதல் கதை சோகத்தில் முடிந்தது. 

அமெரிக்காவின் ஃப்ளோரிடா மாகாணத்தில் உள்ள கடற்கரையில் தேன்நிலவு கொண்டாட்டத்தில் ஈடுபட்டிருந்த போது ஆடவர் ஒருவர் மின்னல் தாக்கி உயிரிழந்தார். 

மரணமடைந்த ஆடவர் 29 வயதுடையவர் என்றும் அவர் அமெரிக்காவின் கொலொராடோ மாகாணத்தைச் சேர்ந்தவர் என்று வொலுசியா கடற்கரை பொது பாதுகாப்பு சேவை அதிகாரிகள் தெரிவித்தனர். 

மின்னல் தாக்கி படுகாயம் அடைந்த அந்த ஆடவரை சிகிச்சைக்காக மருத்துவமனைக்குக் கொண்டு செல்லப்பட்டார். 

இருப்பினும், அவ்வாடவர்  சிகிச்சை பலனின்றி உயிரிழந்தார்.

-மவித்திரன்