மத்திய பிரதேசத்தில் 90 டிகிரி வளைவில் திரும்பும் மேம்பால சர்ச்சை

போபால்: 

மத்திய பிரதேசம் மாநிலம் போபாலில் முடிவடையும் தருவாயில் உள்ள ரயில்வே மேம்பாலம் 90 டிகிரி வளைவில் திரும்பும் அமைக்கப்பட்டுள்ளது இணையத்தில் சர்ச்சையை கிளப்பி உள்ளது.

போபால் அய்ஷ்பார் ஸ்டேடியம் அருகே ரூ.18 கோடியில் கட்டப்பட்டுள்ள இந்த மேம்பாலம் 648 மீட்டர் நீளம், 8.5 மீட்டர அகலம் கொண்டது.

பொதுவாக வாகனங்கள் திரும்ப குறைந்தது 45 டிகிரி வளைவாக இருக்க வேண்டும். ஆனால் இந்த மேம்பாலத்தில் முட்டுச் சந்துபோல் 90 டிகிரி வளைவில் திரும்பும் வகையில் கட்டப்பட்டுள்ளது.

இந்த புகைப்படம் இணையத்தில் பகிரப்பட்டு வைரலாகி வருகிறது.

இதனால் விபத்துகள் ஏற்படும் என்றும் இதைக் கட்ட  அனுமதி அளித்தது யார் என்றும் இணையவாசிகள் கேள்விகள் எழுப்பி வருகின்றனர்.

இந்த விவகாரம் குறித்து ஆய்வு செய்யப்படும் என்று பாஜக ஆளும் மத்திய பிரதேச மாநில பொதுப் பணித் துறை அமைச்சர் ராகேஷ் சிங் தெரிவித்தார்.

- ஆர்யன்